ALPHA Teaser: शर्वरी कुठे आहे ? ‘अल्फा’च्या टीझरमध्ये झलकही न दिसल्याने चाहते नाराज, आलियाला म्हणाले…

ALPHA Teaser : बॉलिवूड अभिनेत्री आलिया भट्ट आणि शर्वरी वाघ यांची मोस्ट अवेटेड फिल्म, ‘अल्फा’ चा टीझर काल लाँच करण्यात आला. यशराज बॅनरखाली बनलेल्या या फिल्ममध्ये बॉबी देओल याचीही महत्वाची भूमिका आहे. 1 मिनिट 55 सेकंदांचा हा व्हिडीओ समोर येताच चाहत्यांनी तो पाहून झटपट प्रतिक्रिया दिल्या. अनेकांना हा टीझर, चित्रपटाचा लूक खूप आवडला, पण या टीझरमध्ये शर्वरीची झलकही न दिसल्याने अनेक जण नाराज झाले. कमेंट्समध्ये असंख् लोकांवी शर्वरीबाबात प्रश्न विचारले. शर्वरी कुठे आहे, ती कधी दिसणार असा सवाल करत लोकांनी कमेंट्स केल्या.

कसा आहे अल्फाचा टीझर ?

1 मिनिट 55 सेकंदांच्या ‘अल्फा’च्या या टीझरमध्ये केवळ आलिया भट्ट आणि बॉबी देओल यांची झलक पाहायला मिळाली; यात शर्वरी कुठेही दिसली नाही. मात्र शर्वरीला अजिबातच का दाखवलं नाही, असा सवाल टीझर प्रदर्शित होताच अनेक लोकांच्या मनात निर्माण झाला.

सोशल मीडियावरील युजर्सनी यावर तीव्र प्रतिक्रिया दिल्या आहेत. शर्वरी नक्की कुठे आहे? असं ‘अल्फा’चा टीझर पाहिल्यानंतर चाहत्यांनी विचारायला सुरूवात केली. मात्र एका युजरच्या कमेंटने सर्वांचं लक्ष वेधून घेतलं. , “असं वाटतं की शर्वरी वाघला तिच्या वाढदिवशी, म्हणजेच 14 जून रोजी ‘अल्फा’मधील तिच्या भूमिकेत सादर केले जाईल.” अशी कमेंट त्याने केली. मात्र पहिल्या टीझरमध्ये शर्वरी न दिसल्याने अनेक चाहत्यांचा भ्रमनिरास झाला. शर्वरी तु कुठे आहे, असेही एकाने विचारले.

कधी रिलीज होणार चित्रपट ?

मात्र ‘अल्फा’च्या प्रदर्शनाची तारीख अद्याप जाहीर झालेली नाही. सुरुवातीला हा चित्रपट एप्रिल 2026 मध्ये प्रदर्शित होणार होता. मात्र, नंतर ती तारीख बदलून 10 जुलै करण्यात आली. आता, काही रिपोर्ट्सनुसार, 3 जुलै रोजी चित्रपट प्रदर्शित होऊ शकतो.

शर्वरीचे आगामी प्रोजेक्ट्स

अल्फा व्यतिरिक्त शर्वरी वाघ ही, इम्तियाज अली यांच्या ‘मैं वापस आऊंगा’ या चित्रपटात दिसणार आहे. या चित्रपटात तिच्यासोबत वेदांग रैना देखील झळकणार आहे. हा चित्रपट 12 जून रोजी चित्रपटगृहांमध्ये प्रदर्शित होणार आहे.