अमिताभ आणि अभिषेक सहन करतात ऐश्वर्याच्या या सवयी, ननंद श्वेतालाही खटकतात तिच्या या सवयी
अमिताभ बच्चन, अभिषेक बच्चन यांनी ऐश्वर्याबद्दल अशा काही गोष्ट सांगितल्या ज्या त्यांना आवडतं नाही आणि त्या त्यांना सहनही कराव्या लागतात. तसेच ननंद श्वेता बच्चनने देखील ऐश्वर्याची खटकणारी गोष्ट सांगितली आहे.
अमिताभ बच्चन यांचे कुटुंब नेहमीच चर्चेत असतं. जया बच्चन असोत किंवा त्यांचा मुलगा अभिषेक किंवा ऐश्वर्या असोत. चाहत्यांना देखील बच्चन कुटुंबाबद्दल जाणून घ्यायला आवडतं. मध्यंतरी ऐश्वर्या आणि अभिषेकच्या घटस्फोटाच्या चर्चा फारच रंगल्या होत्या. मात्र त्यावर कधीच त्यांनी प्रतिक्रिया दिली नाही. पण एकदा अमिताभ आणि अभिषेक यांनी ऐश्वर्याची कोणती सवय त्यांना आवडत नाही आणि त्यांना ती सहन करावी लागते असही सांगितलं आहे.
ऐश्वर्या रायच्या सवयींबद्दल विचारण्यात आलं
अमिताभ बच्चन नेहमीच त्यांचा मुलगा अभिषेक बच्चनला पाठिंबा देताना दिसतात. अभिषेकचा कोणताही चित्रपट प्रदर्शित होणार असताना, बिग बी त्यांच्या मुलाच्या कामाचे कौतुक करतात. एका मुलाखतीत त्यांना सून ऐश्वर्या रायच्या सवयींबद्दल विचारण्यात आले तेव्हा त्यांनी उघडपणे सांगितले की त्यांना तिच्या काही सवयी आवडत नाहीत. तसेच आता अमिताभ आणि अभिषेक ऐश्वर्याबद्दल फार काही बोलताना दिसत नाही.
अभिषेक-ऐश्वर्याच्या सवयींवर अमिताभ बोलले
खरंतर, अमिताभ बच्चन एकदा करण जोहरच्या चॅट शो कॉफी विथ करणमध्ये त्यांची मुलगी श्वेता बच्चनसोबत दिसले होते. 2010 मध्ये, जेव्हा वडील-मुलीची जोडी पहिल्यांदाच एका चॅट शोमध्ये एकत्र आली होती. या दरम्यान, दोघांनीही त्यांच्या कुटुंबाबद्दल आणि कुटुंबातील सदस्यांबद्दल खूप बोलले. शोच्या रॅपिड फायर राउंड दरम्यान, करणने प्रथम अमिताभला विचारले की त्याला अभिषेकची कोणती सवय आवडत नाही?
ऐश्वर्या राय बच्चनची कोणती सवय आवडत नाही?
या प्रश्नाचे उत्तर देताना बिग बी यांनी लगेच सांगितले की त्यांना अभिषेक कमी हिंदी बोलतो हे आवडत नाही. त्यानंतर करणने त्यांना पुढचा प्रश्न विचारला की त्यांना त्यांची सून ऐश्वर्या राय बच्चनची कोणती सवय आवडत नाही? या प्रश्नाचे उत्तर देताना ज्येष्ठ अभिनेत्याने सांगितले की ‘तिचे टाइम मॅनेजमेंट’. अमिताभ आणि श्वेताचा हा एपिसोड प्रसारित झाल्यानंतर 10 वर्षांनी श्वेता आणि अभिषेक देखील करणच्या चॅट शोमध्ये आले होते.
अभिषेक ऐश्वर्याची ही सवय सहन करतो
यावेळी देखील करण जोहरने अभिषेक आणि श्वेतासमोर जुने प्रश्न पुन्हा विचारले. प्रथम, करणने अभिषेकला विचारले की त्याला ऐश्वर्याबद्दल काय आवडते. उत्तरात, अभिनेत्याने सांगितले की ती मला आवडते. यानंतर, त्याला पुढचा प्रश्न विचारण्यात आला की ऐश्वर्याची कोणती सवय त्याला सहन करावी लागते. अभिषेकने सांगितले की तिची सामान पॅक करण्याची पद्धत आहे. यानंतर, करणने श्वेताला तोच प्रश्न विचारला आणि तिने तिचे वडील अमिताभ यांचे उत्तरच सांगितले ती म्हणाली की,”ऐश्वर्याला वेळेचं व्यवस्थापन नीट करता येत नाही’.
