500 लोकांसोबत सिनेमा… अनुप खैर यांची रामायण सिनेमाबाबतची पोस्ट चांगलीच चर्चेत
सध्या बॉलिवूडमधील रामायण हा चित्रपट चांगलाच चर्चेत आहे. या चित्रपटाने प्रदर्शनाच्या पहिल्यादिवसापासूनच चांगली कमाई केली आहे. आता अनुपम खेर यांनी चित्रपटाबाबत पोस्ट केली आहे.
दिग्दर्शक नितेश तिवारी यांच्या ‘रामायण’ चित्रपटाने सिनेमागृहांमध्ये प्रदर्शित झाल्यानंतर प्रेक्षकांकडून वाहवाह मिळवली आहे. आता चित्रपट पहिल्यानंतर अभिनेते अनुपम खेर यांनी चित्रपटाची प्रशंसा केली आहे. अनुपम खेर यांनी सोशल मीडिया प्लॅटफॉर्म एक्सवर एक व्हिडीओ पोस्ट केला आहे. या व्हिडीओमध्ये त्यांनी रामायण या सिनेमाचा खरा रिव्ह्यू सांगितला आहे. आता त्यांना हा सिनेमा कसा वाटला चला जाणून घेऊया…
अनुपम खेर यांनी त्यांच्या अधिकृत सोशल मीडिया अकाऊंटवर एक पोस्ट केली आहे. त्यामध्ये अनुपम खेर म्हणाले की, “मी आता ‘रामायण’ चित्रपट पाहून आलो आहे आणि काय कमालचा चित्रपट आहे. असं वाटतं की यावर प्रभू श्रीरामचंद्रजींचा हात होता. मला वाटतं की १०० वर्षांहून अधिक काळानंतर एकमेव सर्वोत्कृष्ट चित्रपट आता प्रदर्शित झाला आहे. साधारणपणे माझ्याकडे आपली गोष्ट सांगण्यासाठी शब्दांची कमतरता नसते, पण आज माझ्या भावना व्यक्त करण्यासाठी माझ्याकडे शब्द नाहीत.”
संपूर्ण टीमने कमाल केली
अनुपम खेर यांनी सांगितले की स्टॉकहोममध्ये चित्रपट पाहण्यासाठी अनेक युवकही उपस्थित होते, जे चित्रपटाची प्रशंसा करत होते. ते म्हणाले, “तिथले तरुण मुले-मुलीही चित्रपट पाहण्यासाठी आले होते आणि चित्रपट पाहिल्यानंतर जेव्हा ते स्तुती करत होते, तेव्हा मला खूप अभिमान वाटत होता. कारण हा आपल्या देशाचा चित्रपट आहे, आपल्या संस्कृतीचा वारसा आहे. चित्रपटाच्या संपूर्ण टीमने कमाल केली आहे.”
त्यांनी पुढे म्हटले, “रणबीर कपूरने कमाल केली आहे. एक अभिनेता म्हणून त्यांची ही खूबी आहे की त्यांनी खूप सुंदर काम केले आहे. त्यांची ही भूमिका वर्षानुवर्षे लक्षात राहील. पूर्वी अरुण गोविल यांनी प्रभू श्रीरामांची भूमिका साकारली होती आणि रणबीर, तू त्या विचाराला मोडून टाकलेस. त्या रामायणाची जादू कायम ठेवून तू असं काहीतरी तयार केलेस, जे खरोखर कमाल आहे. यश, तू तर कमाल करून टाकलेस. तीन तास सलग प्रेक्षकांना बांधून ठेवणे, फोकस, एनर्जी आणि ताकद न गमावता, ही मोठी गोष्ट आहे. मला साई पल्लवीचीही भूमिका आवडली. सीतेची भूमिका कठीण आहे, कारण त्या फक्त साध्या आणि सुंदरच नाहीत तर महान नारी, एक योद्धा, त्याग करणाऱ्या आणि आपल्या पतीची शक्ती आहेत.”
जटायूची लढाई पाहून आनंद झाला
अभिनेत्याने सांगितले की चित्रपटात जटायूच्या भूमिकेला त्यांनी आपली आवाज दिली आहे. ते म्हणाले की, “जटायूची लढाई पाहून मला खूप आनंद झाला. हा चित्रपटातील सर्वात मोठा हायलाइट सीन आहे. मला माझ्या डबिंगमुळे आणि चित्रपटाच्या नरेशनमुळेही खूप आनंद झाला. शेवटचा सीनही खूप चांगला होता, त्यात सनी देओलची हलकीशी झलक भगवान हनुमानाच्या अवतारात पाहायला मिळाली.” अभिनेत्यांनी सांगितले की ते कुठेही जातात तेव्हा आपल्यासोबत भगवंताचे चित्र घेऊन जातात. त्यांनी हेही म्हटले की चित्रपट पाहताना त्यांच्या डोळ्यांतून अश्रू येत होते.
