“त्या एका व्यक्तीशी मला संपर्क ठेवायचा नाही”, एमसी स्टॅनच्या वक्तव्यावर अखेर अभिनेत्रीने दिली प्रतिक्रिया
बिग बॉसच्या घरात 100 पेक्षा जास्त दिवस राहिल्यानंतर स्पर्धकांची एकमेकांशी खूप चांगली मैत्री झाली. मात्र अशी एक व्यक्ती आहे, जिच्याशी बिग बॉस 16 चा विजेता एमसी स्टॅनला कोणताच संपर्क ठेवायचा नाही. खुद्द स्टॅननेच एका मुलाखतीत तिचं नाव घेतलं होतं.
बिग बॉसच्या घरात 100 पेक्षा जास्त दिवस राहिल्यानंतर स्पर्धकांची एकमेकांशी खूप चांगली मैत्री झाली. ही मैत्री बिग बॉस संपल्यानंतरही कायम राहणार आहे. मात्र अशी एक व्यक्ती आहे, जिच्याशी बिग बॉस 16 चा विजेता एमसी स्टॅनला कोणताच संपर्क ठेवायचा नाही. खुद्द स्टॅननेच एका मुलाखतीत तिचं नाव घेतलं होतं.
“मला अर्चना गौतमशी कोणताच संपर्क ठेवायचा नाही. तिचा स्वभाव मिनिटा-मिनिटाला बदलतो. मंडलीशिवाय इतर कोणत्या स्पर्धकांशी माझा फारसा संपर्क येईल असं वाटत नाही”, असं त्याने स्पष्ट केलं होतं. त्यावर आता अर्चनाची प्रतिक्रिया समोर आली आहे.
सिद्धार्थ कन्ननला दिलेल्या मुलाखतीत अर्चनाला यावर प्रतिक्रिया विचारली असता ती म्हणाली "कोई बात नाही". तिला वाईट वाटलं का असं विचारलं असता पुढे म्हणाली, "नाही, वाईट का वाटेल? हे पहा त्याची स्वत:ची एक मानसिकता आहे आणि माझी वेगळी मानसिकता आहे. माझं त्याच्याशी काही वाईट नाही. मी उलट त्याला भेटीन. मला तर उलट त्याच्या गर्लफ्रेंडलाही भेटायचं आहे."
विशेष म्हणजे बिग बॉस संपल्यानंतर फराह खानने स्पर्धकांसाठी पार्टीचं आयोजन केलं होतं. या पार्टीमध्ये एमसी स्टॅन आणि अर्चना गौतम यांनीसुद्धा हजेरी लावली होती. अर्चनाने तिच्या सोशल मीडिया अकाऊंटवर या पार्टीचे फोटो पोस्ट केले आहेत.
ग्रँड फिनालेच्या टॉप 5 स्पर्धकांमध्ये अर्चना गौतमचा समावेश होता. मात्र संपूर्ण शोमध्ये तिने अनेकांनी वैर पत्करलं होतं. अर्चना तिच्या भांडखोर स्वभावामुळे सर्वाधिक चर्चेत आली होती.