Attack on Kailash Kher : Live कॉन्सर्टमध्ये कैलाश खेर यांच्यावर हल्ला
प्रसिद्ध गायक कैलाश खेर यांच्यावर हल्ला, हल्ल्यामुळे कार्यक्रमात एकच खळबळ... बॉलिवूडच्या प्रसिद्ध गायकावर कोणी केला हल्ला, आता कशी आहे गायकाची प्रकृती?
Attack on Kailash Kher : कर्नाटक येथील हम्पी उत्सवादरम्यान प्रसिद्ध गायक कैलाश खेर यांच्यावर हल्ला झाला आहे. कैलाश खेर यांचं लाईव्ह कॉन्सर्ट सुरु असताना एका व्यक्तीने गायकाला पाण्याची बाटली फेकून मारली. ज्यामुळे कार्यक्रमात एकच खळबळ माजली. ही घटना रविवारी घडली आहे. प्रेक्षक गॅलरीमधूल कैलाश खेर यांच्यावर हल्ला करण्यात आहे. कैलाश खेर यांच्यावर हल्ला केल्यानंतर तात्काळ पोलिसांनी हल्ला करणाऱ्या व्यक्तीला ताब्यात घेतलं आहे. कर्नाटकमध्ये घडलेल्या प्रकरणामुळे कैलाश खेर यांचे चाहते संतापले आहेत.
भारत का पुरातन नगर,काल खंड को मन्दिरों और अटारियों के स्वरूप में समाहित किये,जिसका इतिहास विश्व के कौतुक को गतिमान करता आज भी #HampiMahotsav में आज @bandkailasa #KailasaLiveInConcert का शिवनाद गूँजेगा.आज भी सब राजसी शिल्प,इतिहास,कला,संगीत का मेला, @KarnatakaWorld @kkaladham pic.twitter.com/EuCkvhP17P
— Kailash Kher (@Kailashkher) January 29, 2023
रविवारी झालेल्या हल्ल्यानंतर कैलाश खेर यांची प्रकृती सध्या कशी आहे? याबाबत माहिती मिळू शकलेली नाही. रविवारी होणाऱ्या कॉन्सर्टची माहिती कैलाश खेर यांनी सोशल मीडियाच्या माध्यमातून दिली होती. सध्या त्यांची पोस्ट सोशल मीडियावर तुफान व्हायरल होत आहे.
सांगायचं झालं तर, तीन दिवस चालणाऱ्या हम्पी उत्सवाची सुरुवात २७ जानेवारी रोजी झाली आहे. नवीन विजयनगर जिल्हा तयार झाल्यानंतर पहिल्यांदा याठिकाणी सांस्कृतीक कार्यक्रमाचं आयोजन करण्यात आलं होतं. शुक्रवारी मुख्यमंत्री बसवराज बोम्मई यांनी कार्यक्रमाचं उद्घाटन केलं.
जब पुनीत राजकुमार जी को कैलासा संगीतमय श्रद्धॉंजली दी.और एक गीत श्रृंखला उन्हीं पे फ़िल्माये हमारे कन्नड़ा गीतों की प्रस्तुत की.पूरा विजयनगर साथ गा रहा,झूम रहा,भावाकुल हो रहा @bandkailasa संग. #KailasaLiveInConcert का #HampiUtsav2023 का समापन बहुत भावनात्मक रहा. @kkaladham pic.twitter.com/FqqTpLdk3V
— Kailash Kher (@Kailashkher) January 30, 2023
कैलाश खेर यांना सोमवारी एक ट्विट केलं. ज्यामध्ये ते कन्नड भाषेमध्ये परफॉर्मेंस देताना दिसत आहेत. व्हिडीओ पोस्ट करत ते म्हणाले, ‘जेव्हा पुनीत राजकुमार यांना कैलासा संगीतमय श्रद्धंजली वाहिली आणि त्यांच्यावर चित्रित केलेल्या आमच्या कन्नड गाण्यांची मालिका सादर केली. तेव्हा संपूर्ण विजयनगर त्यांच्यासोबत गात होता..’ कैलास लाइव कॉन्सर्टचा हम्पी उत्सव 2023 भावनिक असल्याचं देखील कैलाश खेर म्हणाले.
कार्यक्रमात अनेक बॉलिवूड आणि कन्नड सिनेसृष्टीतील कलाकारांनी परफॉर्म केलं. कार्यक्रमात कन्नज गायक अर्जुन, जान्या, विजय प्रकाश, रघू दीक्षित आणि अनन्या भट्ट यांनी त्यांची कला सादर करत एक माहोल तयार केला. तर बॉलिवूडमधील अरमान मलिक आणि कैलाश खेर यांसारख्या दिग्गज कलाकारांनी आपली कला सादर केली.