दुसऱ्या बायकोसोबत राहतो राजपाल यादव…दोघांचं वय आणि उंची बद्दल जाणून व्हाल अवाक्

अभिनेता राजपाल यादव

Rajpal Yadav: प्रेक्षकांना खळखळून हसवणारा अभिनेता राजपाल यादव मोठ्या अडचणीत अडकला आहे. चेक बाऊन्स प्रकरणात त्याने स्वत:ला दिल्लीतल्या तिहार तुरुंगात सरेंडर (आत्मसमर्पण) केलं आहे. आत्मसमर्पण करण्याआधी तो तुरुंगातील अधिकाऱ्यांसमोर भावूक झाला होता. आता अभिनेत्याच्या मदतीसाठी बॉलिवूडमधील अनेक सेलिब्रिटींना पुढाकार घेतला आहे. उच्च न्यायालयाने अभिनेत्याला थकबाकीची रक्कम जमा करण्यासाठी अधिक वेळ देण्यास नकार दिला. हे प्रकरण 2023 मध्ये प्रदर्शित झालेल्या ‘अता पता लपाता’ या सिनेमाच्या संबंधित आहे. आता राजपाल यांच्या खासगी आयुष्याच्या देखील चर्चा रंगल्या आहे.

राजपाल यादव याच्या खासगी आयुष्याबद्दल फार कोणाला माहिती नाही. अभिनेत्याच्या खासगी आयुष्याबद्दल सांगायचं झालं तर, राजपाल याने दोन लग्न केली आहेत. राजपाल याच्या पहिल्या पत्नीचं निधन मुलीला जन्म देताना झाला आहे… राजपाल यांच्या पहिल्या पत्नीचं नाव करुणा असं आहे. त्यानंतर अभिनेत्याने राधा नावाच्या महिलेसोबत दुसरं लग्न केलं.

राजपाल यादवने मे 2003 मध्ये कॅनेडियन रहिवासी राधा हिच्यासोबत लग्न केलं. या जोडप्याला हर्षिता आणि रेहांशी या दोन मुली आहेत. यादवला त्यांच्या पहिल्या पत्नीपासून ज्योती ही एक मुलगी आहे. राधा गृहिणी आहे आणि कुटुंबाची काळजी घेते.

राजपाल यादव आणि राधा यांची उंची

रादपाल यादव कायम त्याच्या कुटुंबाला झगमगत्या विश्वापासून दूर ठेवतो. राजपाल याची उंची पत्नीपेक्षा कमी आहे. राजपाल यादव याची उंची 5 फूट 2 इंच आहे, तर त्याच्या पत्नी राधा हिची उंची 5 फूट 3 इंच आहे…

राजपाल यादव आणि राधा यांचं वय

राजपाल यादव आणि राधा यांच्यात कोण मोठा आहे हा प्रश्न अनेकदा उपस्थित होतो. राजपाल त्याच्या पत्नीपेक्षा नऊ वर्षांनी मोठा आहे. राजपाल आणि राधा यांच्या लग्नाला जवळजवळ 22 वर्ष झाली आहेत. राधा लाइमलाइटपासून दूर राहते.

राजपाल यादव प्रकरण…

2010 मध्ये राजपाल यादवने एम. एस. मुरली प्रोजेक्ट्स प्रायव्हेट लिमिटेडकडून त्याच्या एका सिनेमासाठी पाच कोटी रुपयांचं कर्ज घेतलं होतं. ‘अता पता लापता’ या सिनेमाचं दिग्दर्शन राजपाल करत होता. परंतु हा सिनेमा बॉक्स ऑफिसवर फ्लॉप झाला आणि त्यामुळे त्याला मोठा आर्थिक तोटा सहन करावा लागला. व्याज, दंड, विलंबित देयकं यांमुळे थकबाकीची रक्कम जवळपास 9 कोटी रुपयांपर्यंत वाढली. कर्ज चुकवण्यासाठी त्याने कर्जदात्याला अनेक चेक्स दिले होते. परंतु हे चेक्स बाऊन्स झाले. त्यामुळे नेगोशिएबल इन्स्ट्रुमेंट्स कायद्यांतर्गत त्याच्याविरोधात फौजदारी कारवाई सुरू झाली.