Kartik Aaryan | कार्तिक आर्यनने चाहत्यांना दाखवली त्याच्या नवीन घराची झलक, पाहा खास फोटो…

मुंबई : बॉलिवूडमधील (Bollywood) फेमस स्टारचे चित्रपट फ्लाॅप जात असताना अभिनेता कार्तिक आर्यनचा भूल भुलैया 2 हा चित्रपट हिट झाल्याने तो चांगलाच चर्चेत आलायं. अक्षय कुमारचा रक्षाबंधन, आमिर खानचा लाल सिंह चढ्डा हे बॉलिवूडमधील चित्रपट (Movie) फ्लाॅप गेले. मात्र, याचदरम्यान कार्तिक आर्यनचा भूल भुलैया 2 हिट ठरल्याने अनेकांनी भुवया उंचावल्या. हा चित्रपट प्रदर्शित झाल्यानंतर कार्तिक आर्यनची गणना हिंदी चित्रपटसृष्टीतील स्टार कलाकारांमध्ये केली जात आहे. आता कार्तिकने अभिनेत्री कियारा अडवाणीसोबत (Kiara Advani) ‘सत्यप्रेम की कथा’ या त्याच्या पुढच्या चित्रपटाचे शूटिंग सुरू केले आहे.

इथे पाहा कार्तिक आर्यनने शेअर केलेला फोटो

कार्तिक आर्यनने नवीन खरेदी केलेल्या घराचा फोटो केला शेअर

कार्तिक आर्यन आणि कियारा अडवाणीचा सत्यप्रेम की कथा या चित्रपटातील दोघांचा फर्स्ट लूक समोर आलायं. दरम्यान, कार्तिक आर्यनने त्याच्या घरातील गणपती बाप्पांचे फोटो चाहत्यांसोबत शेअर केले आहेत. नुकतेच कार्तिक आर्यनने नवीन खरेदी केलेल्या घराचा फोटो शेअर केला आहे. इंस्टाग्रामवर कार्तिकने हा फोटो शेअर केलायं. कार्तिकने पांढऱ्या रंगाचा टी-शर्ट आणि निळी जीन्स घातल्याचे फोटोमध्ये दिसतंय. कार्तिक घरातील गणपती बाप्पासमोर उभा राहून प्रार्थना करतांना या फोटोमध्ये दिसतोयं.

‘सत्यप्रेम की कथा’ चित्रपटाच्या शूटिंगला सुरूवात

कार्तिक आर्यन आणि कियारा आता दुसऱ्यांदासोबत काम करणार आहेत. दोघांनी ‘सत्यप्रेम की कथा’ चित्रपटाचे शूटिंग सुरू केले आहे. या अगोदर ‘भूल भुलैया 2’ या चित्रपटात हे दोघे दिसले होते. या दोघांचा हा दुसरा चित्रपट आहे. भूल भुलैया 2 मध्ये चाहत्यांना कार्तिक आणि कियाराची जोडी प्रचंड आवडलीयं. यांचा हा चित्रपट हिट देखील ठरला. सत्यप्रेम की कथा हा चित्रपट पुढील वर्षी प्रेक्षकांच्या भेटीला येणार असून परत एकदा कियारा आणि कार्तिकलासोबत बघण्यासाठी चाहते उत्सुक आहेत.