‘या’ महत्वाच्या निर्णयानंतर बाॅलिवूड स्टार्सने केला काैतुकांचा वर्षाव, वाचा काय घडले?

मुंबई : भारतीय क्रिकेट नियामक मंडळाने (बीसीसीआय) महिला आणि पुरुष क्रिकेटपटूंना समान मॅच फी देण्याचा महत्वाचा आणि अत्यंत मोठा निर्णय घेतलाय. गुरुवारी याची घोषणा बीसीसीआयचे सचिव जय शाहने केलीये. बीसीसीआयच्या या निर्णयाचे काैतुक आता सर्वच स्तरातून केले जातंय. बीसीसीआयने हे पाऊल टाकून एक वेगळे उदाहरण नक्कीच तयार केलंय. जय शाहने यासंदर्भातील एक पोस्ट सोशल मीडियावर शेअर केली होती.

बीसीसीआयच्या या निर्णयाचे काैतुक बाॅलिवूड स्टार देखील करताना दिसत आहेत. यासंदर्भात अनेक कलाकारांनी पोस्ट सोशल मीडियावर शेअर केल्या आहेत. शाहरुख खानपासून ते अनुष्का शर्मापर्यंत सर्वांनी पोस्ट शेअर केल्या. महिला क्रिकेटपटूंना कसोटी सामन्यांसाठी 15 लाख, एकदिवसीय सामन्यांसाठी 6 लाख आणि टी-20 सामन्यांसाठी 3 लाख रुपये देण्यात येणार आहेत.

शाहरुख खानने आपल्या ट्विटमध्ये म्हटले आहे की, हा एक चांगला फ्रंटफूट शॉट आहे, खेळ पाहिला जातो, तो अनेक गोष्टींमध्ये समानता शिकवतो, यातून अनेकांनी प्रेरणा घेणे आवश्यक आहे…अनुष्का शर्मानेही इंस्टाग्राम स्टोरीवर ट्विटचा स्क्रीनशॉट शेअर केला असून बीसीसीआयच्या या निर्णयाचे कौतुक केले आहे. अनुष्काचा हा स्क्रीनशॉट व्हायरल होतोय.

तापसी पन्नूनेही बीसीसीआयच्या या निर्णयाचे काैतुक करत सोशल मीडियावर एक पोस्ट शेअर केलीये. तापसीने आपल्या पोस्टमध्ये म्हटले आहे की, समान कामासाठी समान वेतनाच्या दिशेने हे एक अत्यंत मोठे पाऊल नक्कीच आहे…बीसीसीआयचे आभार…बीसीसीआयच्या या निर्णयाचे आता सर्वत्र काैतुक केले जात आहे.