Jacqueline Fernandez | जॅकलिन फर्नांडिसच्या हॉलिवूड चित्रपटाचे पहिले पोस्टर रिलीज, पाहा पोस्ट शेअर करताना जॅकलिनने काय म्हटले!

मुंबई : नुकतेच अभिनेत्री जॅकलिन फर्नांडिस (Jacqueline Fernandez) हिच्या हॉलिवूड चित्रपटाचे पोस्टर रिलीज झाले आहे. विशेष म्हणजे चित्रपटाचे पोस्टर सोशल मीडियावर (Social media) प्रचंड व्हायरल होत आहे. अभिनेत्रीने आज तिच्या हॉलिवूड चित्रपट ‘टेल इट लाईक अ वुमन’ चे पहिले पोस्टर चाहत्यांसोबत शेअर केले. विशेष म्हणजे या चित्रपटाचे दिग्दर्शन आठ महिला चित्रपट निर्मात्यांनी केले आहे. यामुळेच जॅकलीनने इन्स्टाग्रामवर (Instagram) पोस्टर शेअर करत लिहिले की, या प्रोजेक्टचा एक भाग असल्याचा अभिमान वाटतो.

जॅकलिन फर्नांडिसने शेअर केली इन्स्टाग्रामवर पोस्ट

इंस्टाग्रामवर चित्रपटाचे पोस्टर केले शेअर

जॅकलिन फर्नांडिसने तिच्या अधिकृत इंस्टाग्राम हँडलवर तिच्या हॉलिवूड चित्रपटाचे पोस्टर शेअर केले आहे. तिच्या आगामी हॉलिवूड चित्रपट टेल इट लाइक अ वुमनचे पहिले पोस्टर शेअर करण्यासोबतच तिने सहकलाकार आणि दिग्दर्शकांचे फोटोही शेअर केले आहेत. या पोस्टरमध्ये जॅकलीनसोबत मार्गेरिटा बाय, इवा लॉन्गोरिया, कारा डेलेव्हिंगने, एनी वातानाबे, जेनिफर हडसन आणि मार्सिया गे हार्डन देखील दिसत आहेत.

जॅकलिन चित्रपटामध्ये महत्वाच्या भूमिकेत

पोस्टर शेअर करण्यासोबतच जॅकलिन फर्नांडिसने तिच्या पोस्टसोबत एक कॅप्शनही दिले आहे. कॅप्शनमध्ये अभिनेत्रीने लिहिले आहे की, मला या प्रोजेक्टचा भाग बनवल्याबद्दल तुम्हा सर्वांचे खूप खूप आभार, याशिवाय तिने चित्रपटाच्या निर्मात्यांचेही आभार मानले आहेत. जॅकलिन फर्नांडिसच्या वर्कफ्रंटबद्दल बोलायचे झाले तर, अलीकडेच अभिनेत्री अक्षय कुमारसोबत बच्चन पांडे या चित्रपटात दिसली होती. याशिवाय ती तिच्या आगामी ‘सर्कस’ या चित्रपटात रणवीर सिंगसोबत महत्त्वाच्या भूमिकेत दिसणार आहे.