Gadar 2 चं प्रमोशन करण्यासाठी सीमा हैदर आली भारतात? नक्की काय आहे सत्य
पाकिस्तानातून भारतात आलेल्या सीमा हैदर आणि 'गदर २' सिनेमाचं काय आहे कनेक्शन? सध्या व्हायरल होत असलेला व्हिडीओ चर्चेत... सर्वत्र सीमा, 'गरद २' सिनेमाची चर्चा...
मुंबई | 28 जुलै 2023 : गेल्या काही दिवसांपासून पाकिस्तानातून भारतात आलेल्या सीमा हैदर आणि सचिन मीणा यांच्या प्रेम प्रकरणामुळे सर्वत्र खळबळ माजली आहे. नेपाळ येथून भारतात घुसखोरी करणारी सीमा हैदर आता वादाच्या भोवऱ्यात अडकली आहे. हेरगिरीच्या आरोपांनी वेढलेल्या पाकिस्तानी सीमा हैदर हिला आता भारताचं नागरिकत्व हवं आहे. यासाठी सीमा हिने याचिका देखील दाखल केली आहे. पण सीमा हैदर पाकिस्तानातून भारतात अभिनेते सनी देओल याच्या ‘गदर २’ सिनेमाचं प्रमोशन करण्यासाठी आली आहे… असं वक्तव्य विनोदी अंदाजात विनोदवीर आणि अभिनेता सुनील पाल याने केलं आहे. सध्या सर्वत्र सुनील पाल याचा व्हिडीओ सोशल मीडियावर तुफान व्हायरल होत आहे.
विनोदवीर आणि अभिनेता सुनील पाल इन्स्टाग्राम अकाउंटवर एक व्हिडीओ शेअर केला आहे. व्हिडीओमध्ये सुनील पाकिस्तानी सीमा हैदर हिच्याबद्दल मोठं वक्तव्य करताना दिसत आहे. ‘सीमा हैदर हिचं भारतात येण्याचं कारण समोर आलं आहे. सनी देओल यांच्या गदर २ सिनेमाचं प्रमोशन करण्यासाठी सीमा भारतात आली आहे.’ असं विनोदवीर म्हणाला.
View this post on Instagram
पुढे सुनील पाल म्हणाला, ‘सीमाने एका मुलाखतीत सांगितलं होतं की, ती सनी देओल यांची मोठी चाहती आहे. सनी यांच्यासोबत तिला सिनेमात काम करायचं आहे. म्हणून मला असं वाटतं सीमा गदर २ सिनेमाच्या प्रमोशनसाठी भारतात आली आहे. सनी देओल यांचा बॉर्डर सिनेमा पाहिल्यानंतर सीमा अभिनेत्याची चाहती झाली आहे…’ सध्या सर्वत्र सुनील पाल याच्या व्हिडीओची चर्चा रंगत आहे.
‘गदर २’ सिनेमाबद्दल सांगायचं झालं तर, सनी देओल (Sunny Deol) आणि अमीषा पटेल (Ameesha Patel) स्टारर ‘गदर 2’ (Gadar 2) सिनेमा गेल्या काही दिवसांपासून चर्चेत आहे. आता तर सिनेमाचा ट्रेलर देखील प्रदर्शित झाला आहे. सिनेमा लवकरच मोठ्या पडद्यावर प्रदर्शित होणार आहे. चाहते देखील ११ ऑगस्टच्या प्रतीक्षेत आहेत.
सिनेमाचा ट्रेलर प्रदर्शित झाल्यानंतर सिनेमाबद्दलची उत्सुकता चाहत्यांच्या मनात शिगेला पोहोचली आहे. २००१ मध्ये प्रदर्शित झालेल्या ‘गदर’ सिनेमाने चाहत्यांचं मनोरंजन केलं. सिनेमाने बॉक्स ऑफिसवर देखील तुफान कमाई केली. आता ‘गदर २’ सिनेमची चर्चा जोर धरत आहे. २२ वर्षांनंतर सकिना – तारा सिंग यांची लव्हस्टोरी प्रेक्षकांच्या समोर येणार आहे. ‘गदर २’ सिनेमा बॉक्स ऑफिसवर किती कमाई करेल हे पाहणं आता महत्त्वाचं ठरणार आहे.
