स्वतःची इज्जत…, ‘धुरंधर’ फेम अभिनेत्री कोणावर भडकली? Video पाहून तुम्हीही म्हणाल…
'धुरंधर' सिनेमामुळे अनेक सेलिब्रिटींनी नवीन संधी मिळाली आहे आणि सर्वात महत्त्वाचं म्हणजे सिनेमा हीट ठरल्यामुळे सेलिब्रिटींच्या लोकप्रियतेते देखील मोठी वाढ झाली आहे. आता धुरंधर सिनेमातील एक अभिनेत्रीचा व्हिडीओ सर्वत्र व्हायरल होत आहे.
सध्या सोशल मीडियावर ज्या ‘धुरंधर’ फेम अभिनेत्रीचा व्हिडीओ व्हायरल होत आहे. ती अभिनेत्री दुसरी तिसरी कोणी नाही तर, अभिनेत्री आयेशा खान आहे… सध्या आयेशा यशाच्या उच्च शिखरावर आहे. ‘धुरंधर’ सिनेमात ‘शरारत’ गाण्यावर भन्नाट डान्स करत अभिनेत्रीने चाहत्यांच्या मनावर राज्य केलं आहे. एवढंच नाही तर, सर्वच स्तरातून अभिनेत्रीचं कौतुक झालं आहे. आता सोशल मीडियावर आयेशा हिचा एक व्हिडीओ व्हायरल होत आहे. व्हिडीओमध्ये आयेशा पापाराझींवर भडकताना दिसत आहे. व्हिडीओ अनेक नेटकऱ्यांनी कमेंट करत स्वतःची प्रतिक्रिया देखील दिली आहे.
सांगायचं झालं तर, अभिनेत्री शनाया कपूर आणि अभिनेता आदर्श गौरव यांच्या ‘तू या मैं’ सिनेमाच्या स्क्रिनिंगसाठी आयेशा पोहोचली होती. तेव्हा आयेशा हिने पापाराझींना सुनावलं आहे. सिनेमाच्या स्क्रिनिंगसाठी आयेश पापाराझींना पोज देत होती. तेव्हा पापाराझींनी वळून पोज दे.. अशी मागणी अभिनेत्रीकडे केली… याच दरम्यान, एका पापाराझीने अभिनेत्रीवर अशी कमेंट केली ज्यामुळे अभिनेत्री भडकली.
आयेशा पापाराझींवर संताप व्यक्त करत म्हणाली, ‘तुम्ही इज्जत स्वतःच कमवाल आणि स्वतःच गमवाल… त्यामुळे कृपया असं काही करु नका… ते चांगलं वाटत नाही…’ असं संतापलेली आयेशा निघून गेली. आयेशा हिच्या या व्हिडीओनंतर अनेकांनी तिचं समर्थन केलं आहे. तर अनेकांनी आयेशा ओव्हरएक्टिंग करते असं म्हणाले आहेत.
अभिनेत्री आयेशा हिच्याबद्दल सांगायचं झालं तर, ‘बिग बॉस 17’ मध्ये आयेशा हिने वाईल्ड कार्ड एन्ट्री केली होती. पण मुनव्वर फारुकी याच्यासोबत असलेल्या नात्यामुळे आयेशा चर्चेत राहिली… तेव्हा आयेशा घरा – घरात पोहोचली. ‘बिग बॉस’नंतर आयेशा हिला अनेक मोठे प्रोजेक्ट मिळाले.
विनोदवीर कपील शर्मा याच्या ‘किस किस को प्यार करु 2’ सिनेमाच्या माध्यमातून आयेशा चाहत्यांच्या भेटीस आली. त्यानंतर ‘धुरंधर’ सिनेमातील ‘शरारत’ गाण्यामुळे अभिनेत्रीच्या लोकप्रियतेत मोठी वाढ झाली. आयेशा सोशल मीडियावर देखील कायम सक्रिय असते. सोशल मीडियावर तिच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते.
