CJP Mumbai protest : ज्ञानेश कुमार हेच मोदींच्या दुकानाचे मास्टमाईंड, आशुतोष रांकांचा हल्लाबोल

मुख्य निवडणूक आयुक्त ज्ञानेश कुमार यांच्या राजीनाम्याची मागणी सीजेपी कॉकरोच जनता पार्टीच्या वतीने करण्यात आली आहे. आपल्या या मागणीसाठी आता सीजेपीनं मुंबईत आंदोलनाला सुरुवात केली आहे. यावेळी बोलताना सीजेपीचे आंंदोलक आशुतोष रांका यांनी पंतप्रधान नरेंद्र मोदी आणि सरकारवर जोरदार हल्लाबोल केला आहे. ‘आज शिवाजी पार्कच्या बाहेर जेवढी गर्दी आहे, जेवढे लोक उपस्थित आहेत, ते पाहून मोदीजींना कल्चरल शॉक नक्कीच लागला असेल. मोदीजींचं जे दुकान चालू आहे, मी चहाच्या दुकानाची गोष्ट करत नाहीये, तर जे मोदींचं दुकान चालू आहे, ते चालवण्यामागचे मास्टर माईंड हे ज्ञानेश कुमार आहेत,’ असा हल्लाबोल यावेशी कॉकरोच जनता पार्टीचे आंदोलक आशितोष रांका यांनी केला आहे.

गेल्या दोन वर्षांमध्ये या देशात जवळपास तेरा कोटी लोकांची नावं मतदार यादीमधून वगळण्यात आले आहेत. देशात एकूण जेवढे मतदार आहेत, त्यातील सुमारे 15 टक्के मतदान या लोकांनी कमी केले आहेत. जेव्हा आपण संविधानाचा स्वीकार केला, तेव्हा डॉ. बाबासाहेब आंबेडकर आणि पंडित जवाहरलाल नेहरू यांनी प्रत्येकाला मतदानाचा अधिकार दिला. जेव्हा आपण काहीच नव्हतो, तेव्हा या देशातील प्रत्येक नागरिकाला मतदानाचा अधिकार मिळाला होता. अमेरिका हा जगातील सर्वात जुना लोकशाही देश आहे. मात्र त्या देशाला देखील आपल्या प्रत्येक नागरिकाला मतदानाचा अधिकार देण्यासाठी दोनशे वर्ष लागले होते, असंही यावेळी रांका यांनी म्हटलं आहे.

आपल्या विविध मागण्यांसाठी सीजेपीच्या वतीने मुंबईमध्ये हे आंदोलन करण्यात आलं आहे. यामध्ये प्रमुख मागणी म्हणजे मुख्य निवडणूक आयुक्त ज्ञानेश कुमार यांनी राजीनामा द्यावा, एसआय आर प्रक्रिया रद्द करण्यात यावी, तसेच 2025  चीच मतदार यादी 2029 मध्येही कायम ठेवावी अशी मागणी सेजीपीच्या वतीने करण्यात येत आहे. याच पार्श्वभूमीवर आज मुंबईमध्ये सीजेपीचं आंदोलन झालं. या आंदोलनाला विविध राज्यातून आलेले जेन झी सहभागी झाले होते. या आंदोलनाला सरकारने परवानगी नाकारली होती.