Farah SRK | जेंव्हा दोन तास शाहरुख खान याच्यासमोर ढसाढसा रडली फराह खान, अभिनेत्याने थेट

मुंबई : शाहरुख खान आणि फराह खान (Farah Khan) यांचे एक अत्यंत सुंदर नाते आहे. शाहरुख खान याने फराह खान हिला आपली बहीण मानले आहे. इतकेच नाही तर फराह खान हिच्या लग्नामध्ये भावाच्या भूमिकेत शाहरुख खान (Shah Rukh Khan) हा दिसला होता. शाहरुख खान आणि फराह खान यांनी मैं हूं ना, ओम शांति ओम अशा चित्रपटांमध्ये सोबत काम केले आहे. शाहरुख खान आणि फराह खान हे दोघे कायमच एकमेकांच्या वाईट काळात साथ देतात. शाहरुख खान आणि फराह खान यांचे एकदम फॅमिली रिलेशन (Family relationship) आहे. शाहरुख खान हा फराह खान हिच्या वाईट काळात तिच्यासोबत होता.

फराह खान हिने एका मुलाखतीमध्ये मोठा खुलासा केला. फराह खान म्हणाली की, मी माझ्या आयुष्यात ज्यावेळी अत्यंत वाईट काळातून जात होते. त्यावेळी मी शाहरुख खान याला फोन केला आणि मी फक्त ढसाढसा रडत होते. मी जवळपास शाहरुख खान याला फोनवर अर्धा तास बोलले. मात्र, मी त्यावेळी फक्त रडण्याचेच काम करत होते.

विशेष म्हणजे त्यावेळी शाहरुख खान हा त्याच्या चित्रपटाच्या शूटिंगमध्ये व्यस्त होता. शाहरुख खान याने माझ्यासाठी शूटिंग अर्धेवट सोडून फोनवर बोलत बोलत माझे घर गाठले. त्यानंतर शाहरुख खान हा माझ्याजवळ दोन तास बसून होता. माझ्या वडिलांनंतर तोच माझी तेवढी काळजी घेतो, असेही फराह खान म्हणाली.

पुढे फराह खान म्हणाली की, माझ्या प्रत्येक वाईट वेळी शाहरुख खान याने मोठी साथ दिलीये. शाहरुख खान याने थेट एका पार्टीमध्ये फराह खान हिच्या नवऱ्याला थेट मारहाण केली होती. फराह खान हिचा पती शिरीष कुंदर आणि शाहरुख खान यांच्यामध्ये एका चित्रपटावरून वाद झाला होता, त्यानंतर एका पार्टीत शाहरुख खान याने गिरीषला मारहाण केली.

थेट पार्टीत शाहरुख खान याने फराह खान हिच्या पतीला मारल्याने अनेक चर्चांना उधाण आले होते. मात्र, काही दिवसांमध्येच फराह खान हिने शाहरुख खान आणि शिरीष कुंदर यांच्यामधील वाद मिटवला. संजय दत्त याने अग्निपथ चित्रपटाच्या सक्सेस पार्टीचे आयोजन केले होते. यामध्ये शिरीष कुंदर याने काहीतरी कमेंट ही शाहरुख खान याच्यावर केली होती. त्यापूर्वी शिरीष कुंदर हा सोशल मीडियावर शाहरुख खान याच्या विरोधात कमेंट करत होता.