Gautami Patil: अजित पवार यांनी गौतमी पाटीलला दिलेली ‘ती’ तंबी, दादांच्या निधनानंतर मोठा खुलासा
Gautami Patil: राज्याचे दिवंगत माजी उपमुख्यमंत्री अजित पवार यांच्या मृत्यूच्या धक्क्यातून अद्यापही राज्य सावरलेलं नाही. अशात नुकताच झालेल्या एका मुलाखतीत गौतमी पाटील हिने अजित पवार यांच्या मृत्यूनंतर मोठा खुलासा केला आहे.
Gautami Patil: राज्याचे दिवंगत माजी उपमुख्यमंत्री अजित पवार यांचं 28 जानेवारी 2026 रोजी निधन झालं. अजित पवार यांच्या अकस्मित निधनानंतर सर्वांनाच मोठा धक्का बसला आहे. अशाच टीव्ही9 मराठीला दिलेल्या एका मुलाखतीत नृत्यांगना गौतमी पाटील हिने अजित पवार यांच्या निधनाबद्दल खंत व्यक्त करत मोठा खुलासा केला आहे. सांगायचं झालं तर, 2023 मध्ये अजित पवार यांनी गौतमी पाटील हिच्याबद्दल एक विधान केलं होतं. तेव्हा सर्वांसमोर अजित पवार म्हणाले, ‘सर्वांसोबत पाहता येईल… कुटुंबासोबत पाहता येईल अशा प्रकारचा कार्यक्रम असावा किंवा सादरीकरण असावं…’, अजित पवार यांच्या या विधाानंतर गौतमी पाटील हिने माफी देखील मागितली होती. यावर आता गौतमी हिने मोठा खुलासा केला आहे.
अजित पवार यांच्या निधनानंतर गौतमी पाटील हिने यावर मोठा खुलासा केला आहे. ‘डान्स करतामा माझी चूक झाली. मी ठामपणे सांगते, तेव्हा माझ्याकडून चूक झालेली. पण त्यावर मी झटकण माफी देखील मागितली. तो दिवस आणि त्यानंतरचा आजचा दिवस मी पूर्णपणे बदलेली आहे. त्यानंतर मला नाही वाटत मी काही चुकीचं केलं आहे. लावणी करताना पायात घुंगरु असतात, अंबाडा बांधलेला असतो. आता कार्यक्रम चांगले होतात…’ असं देखील गौतमी म्हणाली…
दादांनी मला खूप सपोर्ट केला… न भेटता न बोलता… कायम त्यांनी मला पाठिंबा दिला. त्यांचं फक्त एक स्टेटमेंट फार महत्त्वाचं आहे… त्यांनी माझ्या जे स्टेटमेंट दिलं, ते माझ्यासाठी फार महत्त्वाचं होतं. तेव्हा त्यांनी माझं मन जिंकलं… प्रत्येक कालाकाराला त्यांनी सपोर्ट केला आणि ती गोष्ट मी कधीच विसणार नाही… एवढंच नाही तर, अजित पवार यांच्या निधनावर गौतमी हिने खंत देखील व्यक्त केली…
गौतमी म्हणाली, ‘अजित पवार यांचं निधन झालं ही, बातमी मला माझ्या आईने सांगितली. ज्यावर सुरुवातीला माझा विश्वासच बसला नव्हता… अजित पवार यांचं निधन ही संपूर्ण राज्यासाठी फार मोठी धक्कादायक गोष्ट आहे…’ असं गौतमी पाटील म्हणाली.
अजित पवार यांचं निधन…
विमान अपघातात दादा यांचं अकस्मित निधन झालं. विमान अपघातात अजित पवार यांच्यासह, खासगी सुरक्षा अधिकारी विदीप जाधव, फ्लाईट अटेंडेंट पिंकी माळी, पायलट सुमित कपूर आणि को – पायलट शांभवी पाठक होत्या. या सर्वांचं निधन झालं आहे. अजित पवार यांच्या निधनानंतर राज्य अद्यापही मोठ्या धक्क्यातून सावरलेलं नाही.
