‘हिंदू ॲक्टर-मुस्लीम ॲक्टर’वरून कंगना रनौत-उर्फी जावेद एकमेकींसोबत भिडल्या
तोकड्या कपड्यांमुळे वादाच्या भोवऱ्यात असणारी उर्फी जावेद आता थेट भिडली कंगना रनौत हिच्यासोबत; हिंदू - मुस्लीम कलाकारांबद्दल दोघांची स्पष्ट भूमिका
Kangana Ranaut Vs Urfi Javed : अभिनेता शाहरुख खान स्टारर ‘पठाण’ सिनेमाला एकेकडे यश मिळत आहे, तर दुसरीकडे अद्यापही अनेक जण सिनेमाचा विरोध करताना दिसत आहेत. दरम्यान पठाण सिनेमावरुन सुरु झालेला वाद आता युनिफॉर्म सिव्हिल कोडपर्यंत पोहोचला आहे. अभिनेत्री कंगना रनौत हिने केलेल्या एका ट्विटमुळे नवा वाद जोर धरत आहे. कंगनाच्या ट्विटवर रिट्विट करत मॉडेल उर्फी जावेद हिने सडेतोड उत्तर दिलं आहे. तर कंगनाने माय डिअर म्हणत उर्फीच्या रिट्विटचं उत्तर दिलं. ट्विटवर दोघी एकमेकींना भिडल्यामुळे चर्चांना उधाण आलं आहे.
कंगना ट्विट करत म्हणाली, ‘चांगलं निरीक्षण… या देशाने फक्त आणि फक्त खान यांच्यावर प्रेम केलं आहे. मुस्लिम अभिनेत्रींना तर डोक्यावर घेतलंय. त्यामुळे भारतात द्वेष आणि फॅसिझमचा आरोप करणं अत्यंत चुकीचं आहे. जगात भारतासारखा दुसरा देश नाही. सध्या कंगनाने केलेलं ट्विट सोशल मीडियावर तुफान व्हायरल होत आहे.
कंगनाच्या ट्विटवर मॉडेल उर्फी जावेद हिने स्वतःची स्पष्ट भूमिका मांडली आहे. ‘हे कसं विभाजन आहे. मुस्लीम कलाकार, हिंदू कलाकार.. कलेचं धर्मात विभाजन झालेलं नाही. त्याठिकाणी फक्त कलाकार असतात.’ असं ट्विट उर्फीने केलं आहे. उर्फीच्या ट्विटवर कंगनाने उत्तर दिलं आहे. दोघींमध्ये रंगलेला ट्विटरवॉर सध्या सोशल मीडियावर चर्चेचा विषय आहे.
उर्फीच्या ट्विटचं उत्तर देत कंगना म्हणाली, ‘माझी प्रेमळ उर्फी… असं झालं असतं तर हे एक आदर्श जग असतं. पण हे शक्य नाही’ जोपर्यंत युनिफॉर्म सिव्हिल कोड येत नाही, तोपर्यंत हा देश संविधानाने विभाजलेला दिसेल. त्यामुळे आपण पंतप्रधान नरेंद्र मोदी यांच्याकडे युनिफॉर्म सिव्हिल कोडची मागणी करू.. करूया ना? असा प्रश्नचिन्ह देखील कंगनाने यावेळी उपस्थित केला.
याआधी देखील कंगनाने ट्विटरच्या माध्यमातून शाहरुख खान आणि पठाण सिनेमावर निशाणा साधला. प्रदर्शनापूर्वी सिनेमा अनेकदा वादाच्या भोवऱ्यात अडकला. पण त्याचा परिणाम बॉक्स ऑफिसवर झालेला नाही. सिनेमात शाहरुख खानसोबत दीपिका पदुकोण आणि जॉन अब्राहम यांनी साकारलेल्या भूमिकांची देखील चर्चा रंगत आहे.
पठाण सिनेमात दीपिका जबरदस्त अॅक्शन सीन्स करताना दिसत आहे. शिवाय सलमान खानची एक अप्रतिम कॅमिओ भूमिका चाहत्यांच्या मनात घर करत आहे. सिनेमाने जगभरात आतापर्यंत जवळपास ५५० कोटी रुपयांचा गल्ला जमा केला आहे. त्यामुळे पुढे सिनेमा किती रुपयांपर्यंत मजल मारेल हे पाहणं महत्त्वाचं ठरणार आहे.