5 कोटींच्या कर्जासाठी जेलमध्ये असलेला अभिनेता राजपाल यादव एका चित्रपटासाठी किती फी घेतो? आकडा ऐकून बसेल धक्का

बॉलिवूडचा प्रसिद्ध कॉमेडियन राजपाल यादव सध्या प्रचंड अडचणीत सापडला आहे. 2010 साली रिलीज झालेल्या ‘अता पता लापता’ चित्रपटाचं दिग्दर्शन करण्यासाठी त्याने पाच कोटी रुपयांचं कर्ज घेतलं होतं. मात्र तो चित्रपट फ्लॉप झाला, चित्रपट फ्लॉप झाल्यामुळे राजपाल यादवचे पैसे बुडाले. गेल्या अनेक वर्षांपासून राजपाल यादव हे कर्ज फेडण्याचा प्रयत्न करत आहे. मात्र त्याच्यावर असलेलं कर्ज वाढतच चाललं आहे, आता त्याच्यावर असलेल्या कर्जाचा आकडा 9 कोटी रुपयांवर पोहोचला आहे. माझ्याकडे आता सध्या एवढे पैसे नाहीत, ज्यामधून मी हे सर्व कर्ज फेडू शकेल असं राजपाल यादवने म्हटलं आहे. राजपाल यादवने गेल्या वर्षी देखील अनेक चित्रपटांमध्ये भूमिका केली आहे. ज्यामध्ये भूल भुलैय्याच्या फ्रेंचायजीपासून ते अक्षय कुमार, सलमान खान, वरुण धवण अशा अनेक मोठ्या स्टारसोबत गेल्या वर्षी राजपाल यादवने काम केलं, या वर्षी देखील तो अनेक मोठ्या चित्रपटांमधून झळकणार आहे, कर्ज वेळेत न फेडल्यामुळे सध्या राजपाल यादव जेलमध्ये आहे.

राजपाल यादवने आतापर्यंत अनेक मोठ्या चित्रपटांमध्ये कॉमेडियनची भूमिका केली आहे. राजपाल यादवची प्रत्येक भूमिका ही प्रेक्षकांना प्रचंड आवडली आहे. राजपाल यादवने आपल्या कामाच्या माध्यमातून प्रेक्षकांच्या मनावर राज्य केलं आहे. मात्र तुम्हाला हे ऐकून धक्का बसेल की राजपाल यादवचा अनुभव आणि कामाच्या तुलनेत त्याची फी एवढी जास्त नाहीये. वरुण धवनच्या बेबी जॉन चित्रपटामध्ये राजपाल यादवने भूमिका केली होती. या चित्रपटासाठी वरुणला 25 कोटी रुपये मिळाले होते, तर राजपाल यादवला या चित्रपटासाठी केवळ एक कोटी रुपयेच मिळाले होते, गेल्या चार ते पाच चित्रपटांमधून राजपाल यादवने केवळ 7 ते 8 कोटी रुपयांचीच कमाई केली आहे. 2023 ते 2025 या काळात राजपाल यादवने ‘कटहल’ एक कोटी रुपये, ड्रीम गर्ल 2′ एक कोटी रुपये, ‘भूल भुलैया 3’ दोन ते तीन कोटी रुपये, ‘चंदू चैम्पियन’ दोन कोटी रुपये एवढी कमाई केली आहे.

चालू वर्षामध्ये राजपाल यादव अनेक चित्रपटांमध्ये झळकणार आहे. ज्यामध्ये अक्षय कुमारचा बहुचर्चित प्रोजेक्ट ‘भूत बंगला’ या चित्रपटाचा देखील समावेश आहे. हा चित्रपट 10 एप्रिल रोजी रिलिज होणार आहे. तसेच तो वेलकम टू जंगलमध्ये देखील झळकणार आहे.