प्रसिद्ध अभिनेत्रीच्या बहिणीला 1 रुपयाला विकलं, बापानेच…स्वत: सांगितला अंगाचा थरकाप उडवणारा अनुभव!
अभिनेत्री कंगना शर्मा हिने एका इंटरव्ह्यूदरम्यान तिच्या बहिणीवरील अत्याचार आणि मृत्यूबद्दल धक्कादायक खुलासे केले. आई, बहीण आणि मला वडील खूप मारायचे, असंही तिने सांगितलं.
‘ग्रेट ग्रँड मस्ती’ ‘मोना होम डिलीव्हरी’, ‘ब्लॅकमेल’ आणि ‘लेट्स प्ले ब्लाइंड’ यासारख्या अनेक चित्रपटांत आणि वेबसीरिजमध्ये झळकलेली अभिनेत्री कंगना शर्मा (kangna Sharma) हिने एका मुलाखतीत आयुष्याची हादरवणारी कहाणी सांगितली. माझे वडील मला, आईला आणि बहिणीला खूप मारहाण करायचे असं तिने सांगितलं. एवढंच नव्हे तर बाबांनी माझ्या बहिणीला अवघ्या 1 रुपयांत विकलं होतं, घाणेरड्या गोष्टी ते बोलायचे असा धक्कादायक खुलासा तिने केला. त्यामुळे मोठी खळबळ माजली आहे. तिच्यावरील आपबिती सांगताना कंगनाला अश्रू अनावर झाले. आज माझ्याकडे पैसे- घर सगळं आहे, पण बहिणीची खूप आठवण येते. मी तिला वाचवू शकले नाही, याचा मलाअजूनही पश्चाताप होतो, असं सांगताना तिच्या अश्रूंचा बांध फुटला. सिद्धार्थ कननला दिलेल्या मुलाखतीत तिने अनेक हादरवणारे खुलासे केले.
मी रात्री उठले आणि समोरचं दृश्य पाहून..
तिच्या बहीणीवरील अत्याचारांबद्दल कंगना बोलली. ज्या घरात माझ्या बहिणीचं लग्न झालं, तिथे नको ते धंदे ( वेश्यावृत्ती) चालायचे असं आम्हाला समजलं. लग्नानंतर पहिल्याच रात्री आमच्याकडे, पती-पत्नी एकत्र येत नाहीत. दुसऱ्या दिवशी पगफेरे झाल्यावर ती सासरी गेल्यावर मग फर्स्ट नाईट असते. मी बहिणीसोबत सासरी गेले होते, तेव्हा फक्त 14 वर्षांची होते. रात्री मी वॉशरूमला जाण्यासाठी उठले तेव्हा समोरचं दृश्य पाहून हादरले. माझ्या बहिणीच्या तोंडात कापड होतं, आणि तिच्याशी नको ते केलं जात होतं. मी प्रचंड घाबरले, कोणाशीच काही बोलू शकले नाही, माझी बहीणही हादरली होती, असं कंगनाने सांगितलं.
मी बहीणीसोबत घरी आले, तेव्हा तिने बाबांना सगळं सांगितलं आणि परत सासरी जाण्यास नकार दिला. मात्र माझ्या वडिलांनी तिला थोबाडीत मारली आणि खूप ओरडले, असं कंगनाने नमूद केलं. बहिणीच्या सासरचे तिला नशेच्या गोळ्या देऊन, नको ते काम करवायचे, असा आरोपही तिने केला. मला वाचवा अशी विनंती बहीण करायची. अखेर माझे बाबा तिथे गेले, त्यांनाही संशय आला होता. माझ्या बहिणीची अवस्था खूप वाईट होती, तिला खूप मोठा मानसिक धक्का बसला होता. ती बेडवरूनही उठू शकत नव्हती, ते (सासरचे) तिला काय द्यायचे माहीत नाही, असं म्हणत कंगनाने तिच्या बहिणीच्या अत्याचाराची कहाणी कथन केली.
1 रुपयांत हलवायाला विकलं
अखेर बाबा तिला घेऊन घरी आले, नंतर तिचा घटस्फोटही झाला. मात्र बाबांनी अवघा 1 रुपया देऊन पुन्हा तिचं लग्न हलवायाशी लावून दिलं. तोही तिच्याशी खूप वाईट वागला. बहीणीने या लग्नाला नकार दिला, तेव्हाही बाबा तिला खूप वाईट-साईट बोलले. त्या लग्नातही तिचे खूप हाल झाले, अखेर तिला टीबी झाला, कॅन्सरनेही तिला गाठलं होतं, आम्हाला यातलं काहीच माहीत नव्हतं. मी माझ्या बहिणीला वाचव शकलेच नाही, या गोष्टीचा आजही मला प्रचंड पश्चाताप होतो, असं कंगनाने सांगितलं.
