होमवर्क पूर्ण केला नाही, टीचरआधी ओरडली नंतर दिली कानाखाली, केजीच्या मुलाचा मृत्यू, हार्ट अटॅक ?
एकदा शाळेत मुलाला सोडले म्हणजे पालक निर्धास्त राहतात. मात्र, शाळेतील मुलासंबंधी एखादा अपघात झाला तर शाळा त्याची जबाबदारी कधीच घेत नाही.अशाच एका शाळेत शिक्षेकेने कानाखाली दिल्यानंतर एका मुलाला भोवळ येऊन त्याचा जागीच मृ्त्यू झाल्याचा आरोप होत आहे.
लहान मुलांना शाळेत शिकण्यासाठी पाठवताना पालक निर्धास्त असतात. मात्र अशा पालकांच्या निर्धास्तपणाला हादरवणारी घटना उघडकीस आली आहे. अवघ्या किंडरगार्डनमध्ये शिकणाऱ्या सहा वर्षांच्या मुलाला होमवर्क पुर्ण न केल्याने शिक्षिकेने चांगलेच खडसावले आणि त्यानंतर त्याच्या कानाखाली मारली. या घटनेनंतर हा विद्यार्थी बेशुद्ध होऊन जमीनीवर निपचित पडला. त्यानंतर त्याला रुग्णालयात नेले त्यावेळी डॉक्टरांनी त्याला तपासून मृत घोषीत केले. या मुलाचा हार्ट अटॅकने मृत्यू झाल्याचा म्हटले जात आहे. सीसीटीव्ही ही घटना कैद झाली आहे. आता पालकांनी मुलाच्या मृत्यूला जबाबदार असणाऱ्यांवर कारवाई करण्यात यावेळी अशी मागणी केली आहे.
कुठे घडला हा प्रकार
ही घटना आंध्रप्रदेशातील विशाखापट्टनम येथे घडल्याचे सांगितले जाते. समोर आलेल्या सीसीटीव्ही फुटेजमध्ये हा मुलगा अन्य सहकारी विद्यार्थ्यांसोबत रांगेत उभा असलेला दिसत आहे. फुटेजनुसार मुलगा भेदरलेला आहे. शिक्षक त्याच्या युनिफॉर्मला नीट करताना दिसत आहे. या दरम्याने हे मुल रडू लागले. आणि शिक्षक त्याला कानाखाली मारतात. कानाखाली बसल्यानंतर मुल त्या शिक्षकेवरच पडते. घटनेनंतर शाळेत अफरातफरी माजते. या मुलाला तातडीने रुग्णालयात नेण्यात आले.
CCTV फुटेज पाहिल्यानंतर कुटुंबाचा गोंधळ
घटनेची माहिती मिळाल्यानंतर मुलांचे पालक आणि नातेवाईक या शाळेत पोहचतात. हा सीसीटीव्ही फुटेज पाहिल्यानंतर कुटुंबियांनी शाळा प्रशासनाच्या विरोधात नाराजी घेतली. कुटुंबियांनी या मुलाला मारल्याने त्याची तब्येत बिघडली आणि त्याचा मृत्यू झाल्याचा आरोप केला आहे. मात्र, प्रथमदर्शनी या मुलाचा मृत्यू हार्ट अटॅकने झाल्याचे म्हटले जात आहे. मुलाच्या मृत्यूचे नेमके कारण पोस्टमार्टेमनंतर कळेल असे म्हटले जात आहे. त्यामुळे मुलाचा मृत्यू नेमका कशामुळे झाला हे आता शवविच्छेदन अहवालानंतर येईल असे म्हटले जात आहे.
येथे पोस्ट पाहा –
టీచర్కు భయపడి కుప్పకూలి ఎల్కేజీ విద్యార్థి మృతి
విశాఖపట్నంలో దారుణ ఘటన
లిటిల్ గార్డెన్ స్కూల్లో హోంవర్క్ చేయలేదని టీచర్ కొట్టడంతో భయపడి గుక్కపెట్టి ఏడుస్తూ, కుప్పకూలి టీచర్ మీద పడిపోయిన ఎల్కేజీ విద్యార్థి ప్రణయ్ తేజ్ (6)
చికిత్స నిమిత్తం ఆసుపత్రికి తరలించగా, అప్పటికే… pic.twitter.com/KW8umxWCAu
— Telugu Scribe (@TeluguScribe) August 20, 2026
