PHOTO | The Kapil Sharma Show : कपिल शर्माने चाहत्यांसोबत शेअर केली नवीन सेटची एक झलक, शोमध्ये बदलली अर्चना पूरन सिंगची खुर्ची?
गेल्या एक महिन्यापासून कपिल शर्माचे चाहते त्यांच्या आवडत्या कलाकारांची टीव्हीवर परत येण्याची आतुरतेने वाट पाहत आहेत. अलीकडेच कपिलने त्याच्या चाहत्यांना एक मोठे सरप्राईज दिले आहे. जिथे त्याने नवीन सेटची काही खास झलक आपल्या चाहत्यांसोबत शेअर केली आहे.
सोनी टीव्हीचा कॉमेडी कार्यक्रम 'द कपिल शर्मा शो' पुनरागमन करण्यासाठी सज्ज झाला आहे. त्याच्या सोशल मीडिया प्रोफाईलवर कपिलने त्याच्या नवीन सेटची काही छायाचित्रे चाहत्यांसाठी शेअर केली आहेत.
हा सेट आधीच्या सेटपेक्षा खूप वेगळा आहे. जरी हे दोन्ही सेट फिल्मसिटीमध्ये एकाच ठिकाणी बांधण्यात आले असले तरी सेट्सची रचना अगदी वेगळी आहे.
या नव्या सेटमध्ये अर्चना पूरन सिंगची जागा बदलली जाईल असे वाटते. कोरोनामुळे हा शो यावेळी प्रेक्षकांशिवाय शूट केला जाणार आहे. कदाचित म्हणूनच नेहमी समोर असणाऱ्या अर्चना पूरन सिंह यांची खुर्ची यावेळी बाजूला ठेवण्यात आली आहे.
सेटची चित्रे बघून अंदाज लावला जाऊ शकतो की यावेळी कपिलच्या मोहल्ल्यात एटीएम आला आहे. काप्पू आणि त्याची टीम नेहमी पैशाबद्दल विनोद करते. म्हणजेच, यावेळी एटीएमबद्दल बरेच पंच आणि विनोद सांगितले जाणार आहेत.
एटीएम व्यतिरिक्त, यावेळी कपिलच्या या मोहल्ल्यात एक जनरल स्टोअर देखील बांधण्यात आले आहे. पूर्वी या परिसरात चंदू चायवाला दुकान असायचे, पण हे दुकान आता सेटवरून गायब झाले आहे.
अक्षय कुमार या शोचा पहिला पाहुणा बनला आहे. लवकरच अक्षय कुमारचा शो टीव्हीवर दाखवला जाईल.