‘ओमकारा’ सिनेमानंतर Kareena Kapoor हिला नव्हतं करायचं अजय देवगणला किस; कारण…

मुंबई : बॉलिवूड सिनेमांमध्ये अनेक बोल्ड आणि इंटिमेट सीन असतात. पण इंटिमेट सीन शूट करत असताना अनेक गोष्टींची काळजी घेतली जाते. झगमगत्या विश्वात कलाकारांसाठी इंटिमेट सीन शूट करणं फार कठीण असतं. सिनेमाच्या कथेत इंटिमेट सीनची गरज असल्यामुळे अनेक कलाकार सिनेमा करण्यास नकार देतात. ज्यामुळे दिग्दर्शक आणि लेखकांना कथेत महत्त्वाचे बदल करावे लागतात. अभिनेत्री करीना कपूर हिच्यासोबत देखील असंच काही झालं आहे. एक वेळ अशी आली जेव्हा करीनाने अभिनेता अजय देवगण याला ऑनस्क्रिन किस करण्यास नकार दिला. अजय सोबत बेबोने अनेक सिनेमांमध्ये काम केलं. पण २०१३ मध्ये प्रदर्शित झालेल्या ‘सत्याग्रह’ सिनेमात अजय सोबत किसिंग सीन देण्यास करीनाने नकार दिला.

करीना कपूर आणि अजय देवगण स्टारर ‘ओमकारा’ (Omkara) सिनेमा आज प्रत्येकाला आठवत असेल. ‘ओमकारा’ सिनेमात दोघांचे इंटिमेट सीन देखील होते. पण विशाल भारद्वाज यांच्या ‘ओमकारा’ सिनेमानंतर प्रकाश झा यांच्या ‘सत्याग्रह’ सिनेमात इंटिमेट सीन करण्यास अभिनेत्रीचा नकार होता. ‘सत्याग्रह’ सिनेमात अजयसोबत ‘किसिंग सीन’ करणं अभिनेत्रीला योग्य वाटत नव्हतं म्हणून तिने नकार दिला.

करीनाने अजय याच्यासोबत ‘ओमकारा’ सिनेमाशिवाय ‘सिंघम’ आणि ‘गोलमाल’ या सिनेमांमध्ये देखील काम केलं आहे. ‘ओमकारा’ सिनेमात इंटिमेट सीन करण्यास अभिनेत्रीचा हरकत नव्हती, पण १६ ऑक्टोबर २०१२ साला अभिनेता सैफ अली खान याच्यासोबत लग्न केल्यानंतर करीनाने किसिंग आणि इंटिमेट सीन करण्यास नकार दिला.

सैफ अली खान याच्यासोबत लग्न केल्यानंतर काही दिवसांत ‘सत्याग्रह’ सिनेमाची शुटिंग सुरु होणार होती. करीना आणि अजय एका गाण्यात लिपलॉक करायचं होतं. अशात लग्न झाल्यानंतर अजयसोबत किसिंग सीन करण्यात अभिनेत्री संकोचल्या सारखं वाटत होतं. त्यामुळे प्रकाश झा यांना सिनेमात महत्त्वाचे बदल करावे लागले. याआधी अभिनेता इमरान हाशमी याच्यासोबत ‘बदतमीज दिल’सिनेमात देखीस किसिंग सीन करण्यास नकार दिला होता.

अभिनेत्री करीना कपूर आज पती आणि दोन मुलांसोबत आनंदी आयुष्य जगत आहे. करीना कायम पती सैफ अली खान आणि मुलं तैमूर आणि जेह यांच्यासोबत फोटो शेअर करत असते. तिचे फोटो आणि व्हिडीओ देखील सोशल मीडियावर तुफान व्हायरल होत असतात.

करीना सोशल मीडियावर देखील कायम सक्रिय असते. कायम स्वतःचे फोटो आणि व्हिडीओ पोस्ट करत अभिनेत्री चाहत्यांसोबत संपर्कात राहण्याचा प्रयत्न करत असते.