Koffee With Karan: तारुण्याचं रहस्य काय विचारताच अनिल कपूर म्हणाले, सेक्स..सेक्स..सेक्स
कॉफी विथ करणच्या 11 व्या एपिसोडची सुरुवात करण जोहरच्या प्रश्नाने होते. शोचा सूत्रसंचालक करण हा अनिल कपूर यांना प्रश्न विचारतो. "अशा कोणत्या तीन गोष्टी आहेत, ज्यामुळे तुम्हाला तरुण असल्यासारखं जाणवतं", असा प्रश्न तो अनिल यांना विचारतो.
कॉफी विथ करणचा (Koffee With Karan) यंदाचा सातवा सिझन तुफान गाजतोय. आतापर्यंत या सिझनचे दहा एपिसोड पार पडले आहेत. आलिया भट्ट, रणबीर कपूर, कतरिना कैफ, करीना कपूर, सैफ अली खान, शाहिद कपूर यांसारख्या सेलिब्रिटींनी आतापर्यंत या टॉक शोमध्ये हजेरी लावली. आता नव्या एपिसोडमध्ये अनिल कपूर (Anil Kapoor) आणि वरुण धवन (Varun Dhawan) हे कलाकार उपस्थित राहणार आहेत. या एपिसोडचा प्रोमो सोशल मीडियावर पोस्ट करण्यात आला आहे. हा एपिसोड खूपच मनोरंजक असणार, असं या प्रोमोवरून दिसतंय.
कॉफी विथ करणच्या 11 व्या एपिसोडची सुरुवात करण जोहरच्या प्रश्नाने होते. शोचा सूत्रसंचालक करण हा अनिल कपूर यांना प्रश्न विचारतो. “अशा कोणत्या तीन गोष्टी आहेत, ज्यामुळे तुम्हाला तरुण असल्यासारखं जाणवतं”, असा प्रश्न तो अनिल यांना विचारतो. यावर उत्तर देताना अनिल कपूर म्हणतात, “सेक्स, सेक्स आणि सेक्स”. हे ऐकून करण जोहर आणि वरूण धवन हे पोट धरून हसू लागतात. “हे सगळं स्क्रीप्टेड आहे”, असंही ते पुढे म्हणतात.
या एपिसोडमध्ये वरुण धवनलाही विविध प्रश्न विचारले जातात. “कतरिना कैफ की दीपिका पदुकोण, दोघींपैकी कोणासोबत काम करू इच्छितो?”, असा प्रश्न करण वरुणला विचारतो. त्यावर वरुण म्हणतो, “मी लहान मुलासारखा दिसतो, असं म्हटलं जातं.” हे ऐकून करण त्याला प्रतिप्रश्न करतो, “मग तुला असं वाटतं का की त्या दोघी तुझ्यापेक्षा मोठ्या दिसतात?” अखेर स्वत:चा बचाव करत वरुण म्हणतो, “असं तू म्हणतोयस, मी नाही”.
प्रश्नोत्तरांचा हा सिलसिला इथेच थांबला नाही. करणने पुढे वरुणला तीन प्रश्न विचारले. “सर्वांत जास्त गप्पा मारायला कोणाला आवडतं, सर्वाधिक चुकीच्या स्क्रीप्ट कोण निवडतं आणि अनोळखी व्यक्तींशी छेडछाड करण्याची कोणाची सवय आहे”, असं करण विचारतो. या तिन्ही प्रश्नांचं उत्तर देताना वरुण अभिनेता अर्जुन कपूरचं नाव घेतो. या एपिसोडच्या प्रोमोच्या शेवटी अनिल कपूर आणि वरुण धवन यांच्या डान्स फेस-ऑफसुद्धा पहायला मिळतो.
