Aamir Khan: ‘कॉफी विथ करण 7’मध्ये आमिर खानने केली चूक, सोशल मीडियावर त्याची होतेय आलिया भट्टशी तुलना

या फेरीत जेव्हा करणने आमिरला भारतीय क्रिकेट संघातील तीन क्रिकेटपटूंची नावं विचारली तेव्हा आमिरने आधी विराट कोहलीचं नाव घेतलं. त्यानंतर तो रोहित शेट्टी म्हणतो.

Aamir Khan: 'कॉफी विथ करण 7'मध्ये आमिर खानने केली चूक, सोशल मीडियावर त्याची होतेय आलिया भट्टशी तुलना
Aamir Khan: 'कॉफी विथ करण 7'मध्ये आमिर खानने केली चूकImage Credit source: Instagram
Follow us
| Updated on: Aug 05, 2022 | 12:03 PM

चित्रपट निर्माता-दिग्दर्शक करण जोहरच्या ‘कॉफी विथ करण’ या चॅट शोचा सातवा सिझन (Koffee With Karan 7) सध्या चर्चेत आहे. या आठवड्यात ‘लाल सिंग चड्ढा’ची स्टार कास्ट आमिर खान (Aamir Khan) आणि करीना कपूर खान (Kareena Kapoor Khan) शोमध्ये पाहुणे म्हणून उपस्थित होते. चॅट शोमध्ये या दोघांनीही त्यांच्या वैयक्तिक आयुष्याबद्दल अनेक खुलासे केले. यादरम्यान आमिरसोबत असं काही घडलं की तो आता नेटकऱ्यांच्या निशाण्यावर आला आहे. शोमध्ये त्याने अशा अनेक चुका केल्या आहेत ज्यामुळे त्याची तुलना आता आलिया भट्टशी होऊ लागली आहे. ‘कॉफी विथ करण 7’मध्ये करण जोहर पाहुणे म्हणून आलेल्या सेलिब्रिटींना विविध प्रश्न विचारतो. वैयक्तिक आयुष्य, सेक्स लाईफ यांबद्दलही तो मोकळेपणाने बोलतो. यादरम्यान अनेक खुलासे होतात, तर कधीही मस्करीही केली जाते. अनेकदा हे खुलासे चर्चेचा विषय बनतात. तर कधी त्यावरून वादही पेटतात. यावेळी आमिर खानसोबतही असंच काहीसं घडलं आहे.

करण जोहरच्या शोमध्ये आमिर खान आणि करीना कपूर खान हे एक गेम खेळत होते. यावेळी करण प्रश्न विचारत होता आणि ज्याला उत्तर माहित असेल तो लगेच बजर वाजवून उत्तर देत होता. या फेरीत जेव्हा करणने आमिरला भारतीय क्रिकेट संघातील तीन क्रिकेटपटूंची नावं विचारली तेव्हा आमिरने आधी विराट कोहलीचं नाव घेतलं. त्यानंतर तो रोहित शेट्टी म्हणतो. हे ऐकून करीना आणि करण दोघांनाही हसू अनावर होतं. त्यानंतर आमिरला त्याची चूक कळते आणि तो लगेच रोहित शर्माचं नाव घेतो आणि सॉरीही म्हणतो.

हे सुद्धा वाचा

पहा व्हिडीओ 1-

ही चूक आमिरकडून एकदाच होत नाही. तर करणच्या दुसर्‍या प्रश्नाचं उत्तर देतानादेखील तो गोंधळून जातो. करण आमिरला अक्षय कुमारच्या दोन चित्रपटांची नावं सांगण्यास सांगतो. याचं उत्तर देताना तो आधी ‘खिलाडी’ असं नाव घेतो आणि नंतर ‘सुपर 30’ म्हणतो. ‘सुपर 30’ हा अक्षयचा नाही तर हृतिक रोशनचा चित्रपट होता. या एपिसोडनंतर आमिर खान सोशल मीडियावर चांगलाच ट्रोल होत आहे. तिची क्लिप व्हायरल होत असून त्याची तुलना आलिया भट्टशी केली जात आहे. आलिया याआधी जेव्हा ‘कॉफी विथ करण’मध्ये आली होती, तेव्हा भारताच्या राष्ट्रपतींचं नाव विचारलं असता तिने पृथ्वीराज चव्हाण असं उत्तर दिलं होतं. त्यानंतर सोशल मीडियावर तिची खिल्ली उडवली गेली होती.

पहा व्हिडीओ 2-

आमिर आणि करीनाच्या चित्रपटाबद्दल बोलायचं झालं तर, ‘लाल सिंह चड्ढा’चं दिग्दर्शन अद्वैत चंदनने केलं आहे. हॉलिवूड चित्रपट ‘फॉरेस्ट गम्प’चा हा अधिकृत हिंदी रिमेक आहे. यात आमिर आणि करीना व्यतिरिक्त साऊथ स्टार नागा चैतन्य आणि टीव्ही अभिनेत्री मोना सिंग यांच्याही भूमिका आहेत. हा चित्रपट 11 ऑगस्टला चित्रपटगृहात दाखल होणार आहे.

Non Stop LIVE Update
झालेली चूक पुन्हा नको, पराभवानंतर अजित पवारांची कार्यकर्त्यांनी तंबी
झालेली चूक पुन्हा नको, पराभवानंतर अजित पवारांची कार्यकर्त्यांनी तंबी.
विधानसभेसाठी भाजपचा अॅक्शन प्लॅन ठरला, बावनकुळेंनी सविस्तर सांगितले...
विधानसभेसाठी भाजपचा अॅक्शन प्लॅन ठरला, बावनकुळेंनी सविस्तर सांगितले....
'यूज अँड थ्रो' ही भाजपाची प्रवृत्ती, रोहित पवारांचा थेट हल्लाबोल
'यूज अँड थ्रो' ही भाजपाची प्रवृत्ती, रोहित पवारांचा थेट हल्लाबोल.
केतकी चितळेसारखा आवाज उठवावा; VHP नं मांडली रोखठोक भूमिका, प्रकरण काय?
केतकी चितळेसारखा आवाज उठवावा; VHP नं मांडली रोखठोक भूमिका, प्रकरण काय?.
सुनेत्रा पवारांचा फॉर्म भरताना महायुतीचे नेते का नव्हते? दादा म्हणाले
सुनेत्रा पवारांचा फॉर्म भरताना महायुतीचे नेते का नव्हते? दादा म्हणाले.
हा रस्ता की नदी... पूर आल्यानं चिमुरड्यांसह वृद्धांचा जीवघेणा प्रवास
हा रस्ता की नदी... पूर आल्यानं चिमुरड्यांसह वृद्धांचा जीवघेणा प्रवास.
तुम्ही पवार-काँग्रेसची रखेल आहात का? शिरसाटांची जीभ घसरली, कुणावर टीका
तुम्ही पवार-काँग्रेसची रखेल आहात का? शिरसाटांची जीभ घसरली, कुणावर टीका.
मनोज जरांगे पाटील यांनी जरा दमानं घ्यावं, गुलाबराव पाटील काय म्हणाले?
मनोज जरांगे पाटील यांनी जरा दमानं घ्यावं, गुलाबराव पाटील काय म्हणाले?.
सत्तारांची मंत्रिमंडळातून हकालपट्टी होणार? भाजपचा आक्रमक, प्रकरण काय?
सत्तारांची मंत्रिमंडळातून हकालपट्टी होणार? भाजपचा आक्रमक, प्रकरण काय?.
Mumbai Rain Forecast: येत्या 24 तासात कसा पावसाचा जोर? IMDचा अंदाज काय
Mumbai Rain Forecast: येत्या 24 तासात कसा पावसाचा जोर? IMDचा अंदाज काय.