रणवीर सिंग धमकी प्रकरणी धक्कादायक माहिती समोर, मुंबई पोलीस म्हणाले…

बॉलिवूड अभिनेता रणवीर सिंगला लक्ष्य करणाऱ्या कथित धमकी आणि खंडणीच्या प्रयत्नात एक महत्त्वपूर्ण घडामोडी समोर आली आहे. मुंबई पोलिसांच्या गुन्हे शाखेने लॉरेन्स बिश्नोई टोळीचा प्रमुख पंटर हॅरी बॉक्सर याला या धमकीच्या संदेशामागील मुख्य संशयित म्हणून ओळखले आहे. सूत्रांच्या माहितीनुसार, तपासकर्त्यांना असे आढळून आले आहे की अभिनेत्याच्या मॅनेजरला 1 कोटी रुपयांची खंडणी मागणी करणारी व्हॉट्सअप व्हॉइस नोट पाठवण्यात आली होती. प्राथमिक विश्लेषणादरम्यान, क्राइम ब्रांचने मेसेजमधील आवाज हॅरी बॉक्सरच्या आवाजाशी जुळत असल्याचा समोर आलंय.

मात्र अधिकाऱ्यांचा म्हणणं आहे की निष्कर्षांला पुष्टी देण्यासाठी अधिक तांत्रिक आणि फॉरेन्सिक पुरावे गोळा केले जात आहेत. चित्रपट निर्माते रोहित शेट्टीच्या निवासस्थानाबाहेर गोळीबाराच्या घटनेनंतर लगेचच ही धमकी मिळाल्याची माहिती आहे.

व्हॉइस नोटमध्ये धमकी आणि खंडणीची मागणी असल्याचा आरोप आहे. या घटनेनंतर, खबरदारीचा उपाय म्हणून रणवीर सिंगभोवतीची सुरक्षा कडक करण्यात आली आहे. पोलिसांनी तीन दिवसांपूर्वी अभिनेत्याच्या मॅनेजरचा जबाब नोंदवला आणि त्यानंतर तपास अधिक तीव्र केला आहे.

सूत्रांच्या माहिती प्रमाणे , हा संदेश व्हर्च्युअल प्रायव्हेट नेटवर्क (व्हीपीएन) द्वारे पाठवण्यात आला होता, ज्यामध्ये डिजिटल ट्रेल परदेशातील स्थान दर्शवत होता. नेटवर्कचे मूळ शोधण्यासाठी आणि धमकी कोणत्या देशातून प्रसारित केली गेली हे ओळखण्यासाठी, गुन्हे शाखेने इंटरपोलची मदत घेतली आहे. आता या प्रकरणी पुढे काय होणार पाहणं महत्त्वाचं ठरणार आहे.

रोहित शर्मा, रणवीर सिंग यांच्यानंतर अभिनेता आयुष शर्मा याला देखील धमकी देण्यात आली… मुंबई गुन्हे शाखेने केलेल्या तपासात असे दिसून आले की गोळीबारात वापरलेली गाडी पुण्याहून आणली होती. ती गाडी पुण्यातील एका रहिवाशाची होती ज्याने काही दिवसांपूर्वी अटक केलेला आरोपी आदित्य गायकीला ती गाडी 30 हजार रुपयांना विकली होती.

रोहित शर्मा, रणवीर सिंग यांच्यानंतर अभिनेता आयुष शर्मा याला देखील धमकी देण्यात आली… मुंबई गुन्हे शाखेने केलेल्या तपासात असे दिसून आले की गोळीबारात वापरलेली गाडी पुण्याहून आणली होती. ती गाडी पुण्यातील एका रहिवाशाची होती ज्याने काही दिवसांपूर्वी अटक केलेला आरोपी आदित्य गायकीला ती गाडी 30 हजार रुपयांना विकली होती.

नंतर, आदित्य गायकी आणि दुसरा आरोपी समर्थ पोमाजी यांनी मुंबईतील जुहू परिसरातील ठरलेल्या ठिकाणी गाडी उभी केली. पोलिसांनी दिलेल्या माहितीनुसार, गाडी खरदे करुन मुंबईत पोहोचलेल्या लोकांना माहिती होतं की, शूटर कोण आहे. त्यानंतर शुभम लोंकार याने शूटर याला गाडी उचलण्याची आणि फायरिंग करण्याचे आदेश दिले.