Mouny Roy : ठिकाणही ठरलं, मुहूर्तही ठरला, मौनी रॉय बॉयफ्रेंड सूरजसोबत सात लग्नबंधनात अडकणार!
लाखो दिलांची धडकन आणि सोशल मीडियावर नेहमीच ट्रेंडिंगवर असणारी अभिनेत्री मौनी रॉय (Mouny Roy) लवकरच बॉयफ्रेंड सूरज नांबियारसोबत (Suraj Nambiar) लग्नगाठ बांधणार आहे. 27 जानेवारीला मौनी सूरजसोबत सात फेरे घेणार असल्याच्या बातम्या आहेत.
मुंबई : लाखो दिलांची धडकन आणि सोशल मीडियावर नेहमीच ट्रेंडिंगवर असणारी अभिनेत्री मौनी रॉय लवक (Mouny Roy)रच बॉयफ्रेंड सूरज नांबियारसोबत (Suraj Nambiar) लग्नगाठ बांधणार आहे. 27 जानेवारीला मौनी सूरजसोबत सात फेरे घेणार असल्याच्या बातम्या आहेत. हे एक बीच वेडिंग असेल, ज्यामध्ये कुटुंब आणि उद्योगातील काही खास लोक सहभागी होणार आहेत. दोघेही दुबईत नव्हे तर गोवा डेस्टिनेशन वेडिंगचे प्लॅनिंग करत आहेत. मौनीच्या जवळच्या सूत्राने लग्नाबाबत महत्त्वाची माहिती दिली आहे.
मौनी रॉय गोव्यात लग्न करणार
मौनीच्या जवळच्या मित्रांनी दिलेल्या माहितीनुसार, लग्नासाठी एक फाईव्ह स्टार रिसॉर्ट बुक करण्यात आलं आहे. काही दिवसांपासून लग्नाची आमंत्रणे पाठवली जात आहेत. तसंच लग्नाला येणार्‍या पाहुण्यांना लग्नाशी संबंधित कोणत्याही प्रकारची माहिती मीडियाला देऊ नये, असंही सांगण्यात आलं आहे. याशिवाय सर्व पाहुण्यांना त्यांचे लसीकरण प्रमाणपत्र सोबत ठेवण्यास सांगितले आहे.
वॅगेटोर बीचवरील डब्ल्यू गोवा रिसॉर्ट बुक केले आहे. दुपारच्या वेळेला दोघेही लग्नबंधनात अडकतील. हे लग्न समुद्रकिनाऱ्यावर असेल. कोरोनाच्या वाढत असलेल्या केसेस आणि ओमिक्रॉनचा धोका पाहता, अगदी काही मोजक्या लोकांच्या उपस्थितीत हा लग्न सोहळा पार पडणार आहे, अशी माहिती आहे.
लग्नानंतर 28 जानेवारीला डान्स फंक्शन असेल. ज्यामध्ये मौनी रॉयचे जवळचे मित्र आणि डान्स रिअॅलिटी शोचे प्रतीक उतेकर आणि राहुल शेट्टी परफॉर्म करतील. दोघेही या सगळ्या तयारीत व्यस्त आहेत. लग्नात एकता कपूर, डिझायनर मनीष मल्होत्रा, आशिका गोराडिया यांच्यासह अनेक मौनीचे जवळचे मित्र सहभागी होणार आहेत. याशिवाय मौनी रॉय तिची बॅचलर पार्टी गोव्यातच इन्जॉय करणार आहे.
‘नागिन’ अभिनेत्री मौनी रॉय मुंबई आणि गोवा दरम्यान सतत प्रवास करते. लग्नाला येणार्‍या कोणालाही त्रास होऊ नये म्हणून ती स्वतः ही संपूर्ण व्यवस्था करत आहे. याशिवाय सूरज नांबियारही सध्या मुंबईत आहे. मात्र, तो अद्याप पापाराझींच्या कॅमेऱ्यात कैद झालेला नाही. मौनी रॉयला नवरी बनताना पाहण्यासाठी चाहते आतुर आहेत.
संबंधित बातम्या