‘अत्यंत अश्लील’, नोरा फतेहीच्या या गाण्याने उडाली एकच खळबळ, डबल मीनिंग आणि ती स्टेप वादात, Video पाहून..
नोरा फतेही आणि संजय दत्तच्या ‘सरके चुनर तेरी सरके’ गाण्यावर वाद. डबल मीनिंग बोलांवर सोशल मीडियावर संताप.
Nora Fatehi New Song : बॉलिवूड अभिनेता संजय दत्त आणि अभिनेत्री नोरा फतेही यांचे नवीन गाणे सरके चुनर तेरी सरके नुकतेच प्रदर्शित झाले असून ते सध्या सोशल मीडियावर चर्चेचा विषय ठरले आहे. हे गाणे प्रदर्शित होताच मोठ्या प्रमाणात व्हायरल झाले असले तरी त्यातील शब्दांमुळे काही प्रेक्षकांनी नाराजी व्यक्त केली आहे.
हे गाणे ‘केडी: द डेविल’ या आगामी चित्रपटातील आहे. हा चित्रपट 30 एप्रिल रोजी थिएटरमध्ये प्रदर्शित होणार आहे. गाण्यात संजय दत्तचा खलनायकाचा अंदाज आणि नोरा फतेहीचा दमदार डान्स पाहायला मिळत आहे. जोशपूर्ण संगीत आणि आकर्षक नृत्यामुळे हे गाणे प्रेक्षकांमध्ये झपाट्याने लोकप्रिय होत आहे.
ती स्टेप चर्चेत
गाण्यात नोरा फतेही अनेक बॅकअप डान्सर्ससोबत डान्स करताना दिसते आहे. हे गाणे डान्स बारच्या सेटवर चित्रित करण्यात आले आहे. गाण्याच्या प्रोमोमध्ये नोरा फतेहीने घातलेला पारंपरिक घाघरा-चोलीच्या वेगळ्या स्टाइलमुळेही ती चर्चेत आली आहे. या गाण्यातील ‘हुक स्टेप’मुळेही ती चर्चेत आहे. त्या स्टेपमध्ये ती वारंवार तिचा पदर खाली सोडत पुन्हा उचलताना दिसत आहे.
गाण्याचा संपूर्ण व्हिडिओ व्हायरल झाल्यानंतर काही सोशल मीडिया युजर्सनी गाण्यामधील ओळींवर आक्षेप घेतला आहे. अनेकांच्या मते गाण्याच्या सुरुवातीच्या ओळींमध्ये डबल मीनिंग शब्दांचा वापर करण्यात आला असून ते अश्लील वाटत आहे. त्यामुळे काही प्रेक्षकांनी सोशल मीडियावर आपली नाराजी व्यक्त केली आहे.
सरके चुनर तेरी सरके या गाण्याचे बोल गीतकार रकीब आलम यांनी लिहिले असून त्याला संगीत अर्जुन जान्या यांनी दिले आहे. गाणे यूट्यूबवर प्रदर्शित होताच काही प्रेक्षकांनी कमेंट्समध्ये तीव्र प्रतिक्रिया दिल्या.
नेटकऱ्यांच्या मिश्र प्रतिक्रिया
काही युजर्सनी अश्लीलतेची परिसीमा गाठली आहे अशी टीका केली आहे. तर काहींनी संजय दत्तच्या लूक आणि डान्सबद्दलही प्रश्न उपस्थित केले. काहींनी तर बॉलिवूड गाण्यांनी आता भोजपुरी गाण्यांनाही मागे टाकले असल्याची उपरोधिक टिप्पणी केली. इतकेच नाही तर काही सोशल मीडिया युजर्सनी या गाण्यावर बंदी घालण्याचीही मागणी केली आहे.
दरम्यान, दुसरीकडे काही चाहत्यांनी मात्र नोरा फतेहीच्या डान्स मूव्ह्जचे आणि गाण्याच्या म्युझिकचे कौतुकही केले आहे. त्यामुळे या गाण्यावर सोशल मीडियावर मिश्र प्रतिक्रिया पाहायला मिळत आहेत.
