World Cup मुळे पोटातच बाळ मारलं…, सासूने प्रचंड छळलं, लोकप्रिय क्रिकेटपटूच्या पहिल्या बोयकोकडून होणाऱ्या अत्याचाराचा पर्दाफाश

सेलिब्रिटींचं कॅमेऱ्यासमोरील आयुष्य वेगळं असतं आणि कॅमेऱ्यामागे त्यांच्या आयुष्यात अनेक घडामोडी घडत असतात. नवऱ्याचे दुसऱ्या महिलेसोबत अफेअर, तर अनेक सेलिब्रिटी महिला सासरी अत्याचार देखील सहन करतात. पण प्रसिद्धीसाठी त्यांना तोंड बंद ठेवण्यास सांगितलं जातं. असंच काही एका लोकप्रिय क्रिकेटरच्या बायकोसोबत देखील झालं आहे. दोन मुलांच्या जन्मानंतर, क्रिकेटरने पहिल्या पत्नीची साथ सोडली आणि दुसरं लग्न केलं. एवढंच नाहीतर, पहिली पत्नी तिसऱ्यांदा प्रेग्नेंट असताना क्रिकेटरने तिच्या पोटात मारलं आणि जन्माला येण्यापूर्वीच बाळाला पोटातच संपवलं. सध्या ज्या क्रिकेटपटूच्या पहिल्या बायकोची चर्चा रंगली आहे, तो क्रिकेटपटू दुसरा तिसरा कोणी नाही तर, पाकिस्ताना क्रिकेटर इमाद वसीम आहे.

इमाद वसीम हा त्याच्या प्रोफेशनल आयुष्यामुळे कमी पण खासगी आयुष्यामुळे कायम चर्चेत असतो. इमाद वसीम याने 2026 मध्ये पहिल्या बायकोला घटस्फोट देत, नायला राजा हिच्यासोबत दुसरं लग्न केलं. इमाद वसीम याने सोशल मीडियाच्या माध्यमातून दुसऱ्या लग्नाची घोषणा केली. दुसऱ्या लग्नाची बातमी कळतात इमाद याच्या पहिल्या बायकोने त्याच्यावर अनेक गंभीर आरोप केले. इमाद वसीम याची पहिली बायको सानिया अशफाक याने सांगितल्यानुसार, सासरच्या मंडळींनी तिला प्रचंड टॉर्चर केलं.

सानिया अशफाक हिने एका पॉडकास्टामध्ये गंभीर आरोप केलेले. सानिया अशफाक म्हणालेली, ‘इमाद आणि माझं लव्ह मॅरेज झालं होतं. सुरुवातील सर्वकाही चांगलं होतं. पण नंतर अडचणी येण्यास सुरुवात झाली.’ सानिया हिने पुढे सांगितलं. , लग्नानंतर अवघ्या काही महिन्यांतच सासरच्या मंडळींनी तिच्यावर मूल होण्यासाठी दबाव टाकण्यास सुरुवात केली. त्यानंतर गरोदर राहिल्यावर, बाळाचा रंग गोरा असावा असा आग्रह तिच्या सासूबाईंनी धरला.

सानिया हिने सांगितलं की, सुरुवातीला ते एका सामान्य जोडप्याप्रमाणे राहत होते, परंतु इमादच्या आईमुळे त्यांच्या नात्यात दुरावा निर्माण झाला; एवढंच नाही तर, कुटुंबाच्या प्रभावामुळे इमादचं तिच्याशी असलेले वागणंही बदललं. सानिया म्हणाली, आधी ते दोघे एका नॉर्मल जोडप्याप्रमाणे राहत होते. पण इमाद याच्या आईमुळे त्यांचं नातं खराब झालं. कुटुंबियांच्या दबावामुळे इमाद आणि सानिया यांच्यात खटके उडण्यास सुरुवता झाली.

पुढे सानिया म्हणाली, ‘मी तीन महिन्यांची प्रेग्नेंट होती. डॉक्टरांनी मला आणि इमाद याला बाळाच्या हृदयाचे ठोके देखील ऐकवले, पण तो डॉक्टरांना म्हणाला, आम्ही या मुलाचा विचार केलेला नाही. तो म्हणाला आता वर्ल्ड कप जवळ येत आहे आणि या मुलासाठी मी अद्याप तयार नाही…’ सानियाने असं देखील सांगितलं की, नंतरच्या काळात ती आपल्या सासरच्यांपासून वेगळ्या घरात राहू लागली.

त्यानंतर ती पुन्हा गरोदर राहिली, परंतु ही बातमी समजताच इमादच्या आईने तिला घटस्फोट देण्याचा आग्रह धरला. तिला तिच्या दोन मुलांसह बळजबरीने लंडनमध्ये तिच्या माहेरी परत पाठवण्यात आलं. हळूहळू त्या क्रिकेटपटूशी असलेले तिचे संबंध बिघडत गेले आणि अखेरीस त्यांचा घटस्फोट झाला. घटस्फोटानंतर इमादने दुसरं लग्न केलं.