Ram Mandir : अमिताभ बच्चन यांच्या घरातील राम मंदिराचे फोटो होताय व्हायरल

मुंबई : बॉलिवूडचे महानायक अमिताभ बच्चन हे नुकताना दुसऱ्यांदा अयोध्येत रामलल्लाच्या दर्शनासाठी पोहोचले होते. २२ जानेवारी रोजी देखील ते उपस्थित होते. आता अमिताभ बच्चन यांनी मुंबईतील त्यांच्या जलसा या घरातील काही फोटो शेअर केले आहेत. अमिताभ बच्चन यांच्या ‘जलसा’ या घरामध्ये रामाचे सुंदर मंदिर आहे. या राम मंदिरात ते पूजा करताना दिसत आहेत.

अमिताभ बच्चन यांनी ट्विट केलेल्या फोटोंमध्ये ते शिवलिंगावर दूध अर्पण करताना दिसत होते. यावेळी त्यांनी तुळशीच्या रोपालाही पाणी देखील अर्पण केले. रविवारी आपल्या चाहत्यांसाठी त्यांनी हे खास फोटो शेअर केले आहेत.

दर रविवारी अमिताभ बच्चन यांना पाहण्यासाठी हजारो लोकं त्यांच्या घराबागहेर जमतात. 41 वर्षांहून अधिक काळ अमिताभ त्यांना असेच लोकांना भेटत आहेत.

राम मंदिरात जावून पुन्हा घेतले दर्शन

राम मंदिरात रामलल्लाच्या प्राणप्रतिष्ठा सोहळ्याच्या दिवशी अमिताभ बच्चन यांना देखील आमंत्रण देण्यात आले होते. त्यानंतर पुन्हा एकदा अमिताभ बच्चन हे अयोध्येला गेले होते. यावेळी त्यांनी त्या दरम्यानचा एक फोटो देखील शेअर केला होता.

अमिताभ बच्चन हे दीपिका पदुकोण आणि प्रभास यांच्यासोबत ‘कल्की 2898 एडी’ या साय-फाय ॲक्शन थ्रिलरमध्ये दिसणार आहेत. नाग अश्विनच्या चित्रपटात कमल हासन आणि दिशा पटानी यांच्याही भूमिका आहेत. तो 9 मे 2024 रोजी थिएटरमध्ये प्रदर्शित होणार आहे.