वाईट नजर नको लागूदे! राजा शिवाजी चित्रपट बघताच शिल्पा शेट्टी हिने काढली रितेश देशमुखची नजर, पाहा व्हिडीओ..

अभिनेता रितेश देशमुख सध्या राजा शिवाजी या त्याच्या चित्रपटामुळे चर्चेत आहे. छत्रपती शिवाजी महाराजांवर आधारित हा चित्रपट आहे. विशेष म्हणजे या चित्रपटाचे दिग्दर्शनसुद्धा रितेशनेच केले. रितेश देशमुख याची पत्नी जेनेलिया आणि त्याची दोन्ही मुलेही या चित्रपटात आहेत. रितेश देशमुख या चित्रपटाचे जोरदार प्रमोशन करताना दिसला. त्याने या चित्रपटाकरिता आपली सर्व मेहनत, पैसा लावला. विशेष म्हणजे रितेशच्या या चित्रपटाला प्रेक्षकांचे मोठे प्रेम मिळाले. बॉक्स ऑफिसवर राजा शिवाजी चित्रपटाने धमाकेदार कामगिरी करत मोठा गल्ला जमवला. रितेश देशमुख याचा अभिनय प्रेक्षकांना प्रचंड आवडला. रितेशने आपल्या अभिनयाची एक वेगळी छाप सोडली. प्रत्येकजण या चित्रपटाचे काैतुक करत आहे. जवळपास शो हाऊस फुल होती. या दणदणीत यशानंतर खास पार्टीचेही आयोजन करण्यात आले.

या पार्टीचे व्हिडीओ व्हायरल झाले. फक्त प्रेक्षकच नाही तर राजा शिवाजी चित्रपटाकरिता बॉलिवूड कलाकारांनीही रितेश देशमुख याचे काैतुक केले. यादरम्यानच आता एक व्हिडीओ तूफान व्हायरल होत आहे. या व्हिडीओमध्ये बॉलिवूड अभिनेत्री शिल्पा शेट्टी ही रितेश देशमुख याचा राजा शिवाजी चित्रपट पाहण्याकरिता पोहोचल्याचे दिसत आहे.

राजा शिवाजी चित्रपट बघितल्यानंतर शिल्पा शेट्टी अत्यंत भावूक झाली. हेच नाही तर चित्रपट पाहिल्यानंतर शिल्पा शेट्टी हिने थेट रितेश देशमुख याची नजर काढली. शिल्पा शेट्टी हिने आपल्या डोळ्याचे काजळ काढून रितेश देशमुखच्या मानेवर लावले. तिने रितेश देशमुख याला कोणाचीही नजर लागू नये, म्हणून त्याची नजर काढली.

View this post on Instagram

A post shared by Mamaraazzi (@mamaraazzi)

त्यानंतर ती रितेश देशमुखची गळाभेट घेताना दिसत आहे. हा एक भावूक क्षण बघायला मिळत आहे. रितेश देशमुखही यादरम्यान भावूक झाल्याचे बघायला मिळाले. आता हाच व्हिडीओ तूफान व्हायरल होत आहे. राजा शिवाजी चित्रपट पाहून शिल्पा शेट्टी भारावून गेली. रितेश देशमुख याने या चित्रपटात दमदार अभिनय केला. प्रेक्षकांनीही या चित्रपटाला भरभरून प्रेम दिले. त्यामध्येच रितेश देशमुख आणि शिल्पा शेट्टीचा व्हिडीओ व्हायरल होत आहे.