अमिताभ बच्चन यांच्या व्हॅनमध्ये दिग्दर्शकाला करायाची होती लघवी, व्हॅनिटी व्हॅनमध्ये रेखा यांना पाहिल्यानंतर…

बॉलिवूडचे महानायक अमिताभ बच्चन यांनी त्यांच्या करियरमध्ये अनेक दिग्दर्शकांसोबत काम केलं आहे. अशाच दिग्दर्शकांपैकी एक म्हणजे दिग्दर्शिक विधू विनोद चोप्रा.. अमिताभ बच्चन आणि विधू विनोद चोप्रा यांनी ‘एकलव्य’ सिनेमात एकत्र काम केलं होतं. विधू विनोद चोप्रा सेटवर प्रचंड शिवागाळ करतात… असं अभिनेत्री जया बच्चन यांनी बिग बी यांना सांहितलं होतं. तेव्हा अमिताभ बच्चन म्हणाले विधू याच्यासोबत काम करुन चांगलं वाटलं. दरम्यान नुकताच झालेल्या एका मुलाखतीत विधू विनोद चोप्रा यांनी मोठा खुलासा केला. बिग बी यांच्या व्हॅनमध्ये त्यांना लघवी करायची होती.

नुकताच झालेल्या एका मुलाखतीत विधू विनोद चोप्रा म्हणाले, ‘मला अमिताभ बच्चन यांच्यासोबत काम करण्यापेक्षा त्यांच्या बाथरुममध्ये लघवी करण्याची इच्छा अधिक होती. मी फक्त त्यांना भेटण्यासाठी गेलो होतो. तेव्हा सर्वत्र चर्चा होती की अमिताभ बच्चन यांच्या व्हॅनमध्ये बाथरुम आहे..’

‘पहिल्या भेटील मी अमिताभ बच्चन यांच्यासोबत रागात बोललो.. मी म्हणालो, ‘माझं नाव आकर्षक नाही पण माझा सिनेमा आहे… तुम्हाला माझा सिनेमा पाहायचा आहे?’ यावर त्यांनी होकार दिला. सिनेमा पाहण्यासाठी मी थिएटर बूक केला होता…’

पुढे विधू विनोद चोप्रा म्हणाले, ‘तेव्हा अमिताभ बच्चन, ऋषी कपूर, रेखा कामात व्यस्त होते. माझ्या लक्षात आलं त्यांच्यामध्ये वाद सुरु आहे. जवळपास संध्याकाळचे 4 वाजले होते आणि मला वाटतं आता बिग बी माझा सिनेमा पाहणार नाहीत.’

‘कारण सिनेमा पाहण्यासाठी 5 वाजताची वेळ ठरली होती. मी बाहेर बसलो होतो.. तेव्हा मागून बिग बी आले आणि त्यांनी माझ्या खांद्यावर हात ठेवला आणि विचारलं, ‘तुमची बुकिंग पाच वाजेपर्यंत होती? आपण जायचं का? त्यांनी विचारलं माझ्यासोबत माझी मैत्रीण येऊ शकते का? त्या रेखा होत्या..’

‘व्हॅनिटी व्हॅनमध्ये गेल्यानंतर मला माझी इच्छा पूर्ण करायची होती. मी बच्चन यांना विचारलं ‘मी तुमचा टॉयलेट वापरु शकतो का?’ त्यांच्या टॉयलेटमध्ये जाणं हेच माझं स्वप्न होतं. फिल्म बॉक्स ऑफिसवर हीट ठरेल की नाही माहिती नव्हतं. पण मला त्यांच्या टॉयलेटमध्ये लघवी करायची होती..’ असं देखील विधू विनोद चोप्रा म्हणाले.