सरकारवर निशाणा साधत प्रसिद्ध गायक म्हणाला, ‘आपली अशिक्षित जनता…’, काय आहे प्रकरण?

Vishal Dadlani And Samay Raina: काही सेलिब्रिटी कायम त्यांच्या सडेतोड वक्तव्यांमुळे चर्चेत असतात. अशाच सेलिब्रिटींपैकी एक म्हणजे गायक विशाल ददलानी. विशाल कायम त्याला पटणाऱ्या गोष्टींचं समर्थन करताना दिसतो आणि खटकणाऱ्या गोष्टींवर व्यक्त होताता दिसतो. आता देखील असंच काही झालं आहे. सध्या सोशल मीडियावर समय रैना आणि रणवीर अलाहाबादिया यांच्यामुळे चांगलाच वाद रंगला आहे. आता यामध्ये विशाल याने देखील उडी घेतली आहे. विशाल याने समय आणि रणवीर यांची बाजू घेत सरकार आणि महाकुंभवर निशाणा साधला आहे.

विशाल ददलानी याने सोशल मीडिया इन्स्टाग्राम स्टोरीवर एक पोस्ट शेअर केली आहे. ज्यामध्ये विशाल याने समय याचं समर्थन केलं आहे. विशाल पोस्ट शेअर करत म्हणाला, ‘हा सर्व पाखंडीपणा आहे. सरकारला ऑनलाईव कंटेंटवर नियंत्रण मिळवायचं आहे. बऱ्याच दिवसांपासून सरकार असं करण्याच्या प्रयत्नात आहे… आता टीव्हीच्या मदतीने लोकांमध्ये रोष वाढवण्याचा प्रयत्न होत आहे, त्या लाटेत आपली निराजस आणि अशिक्षित जनता त्यांचं स्वतःचं स्वातंत्र्य गमावत आहे… उल्लेख करायचा नाही पण… महाकुंभमध्ये चेंगराचेंगरीत झालेल्या मृतांचं काय? कळलं?’ अशी पोस्ट गायकाने केली आहे.

काय आहे प्रकरण?

‘इंडियाज गॉट लेटेंट’मध्ये युट्यूबर रणवीर अलाहाबादिया याने आई वडिलांबद्दल एका वादग्रस्त वक्तव्य केलं होतं. रणवीर याने केलेल्या अश्लिल वक्तव्यानंतर सोशल मीडियावर चांगलंच वातावरण तापलं होतं. याप्रकरणी रणवीर, समय यांच्यावर गुन्हा देखील दाखल करण्यात आला आहे. आता यावर पोलीस कसून चौकशी करत आहेत.

आई – वडिलांना केलेल्या वक्तव्यानंतर रणवीर आणि समय यांच्या अडचणीत मोठी वाढ झाली. शोचे व्हिडीओ देखील युट्यूबने डिलिट केले आहेत. दरम्यान, रणवीर याने सोशल मीडियाच्या माध्यमातून माफी देखील मागितली. प्रकरण वादाच्या भोवऱ्यात असताना रणवीर याला जीवे मारण्याच्या धमक्या देखील येत आहेत.

विशाल ददलानी याचा अपघात

काही दिवसांपूर्वी म्हणजे 14 फेब्रुवारी रोजी विशाल ददलानी याचा अपघात झाला होता. ज्यामुळे अभिनेत्याचे शो देखील रद्द करावे लागले होते. विशालच्या अपघाताची माहिती समोर आल्यानंतर चाहत्यांनी देखील चिंता व्यक्त केली आहे. पण त्याच्या प्रकृतीबद्दल मोठी अपडेट समोर आली आहे. स्वतः विशाल याने सोशल मीडियाच्या माध्यमातून अपघाताची माहिती दिल्यामुळे चाहत्यांनी चिंता व्यक्त केली.

इन्स्टाग्राम स्टोरीवर विशाल ददलानी याने एका पोस्ट शेअर करत अपघाताची माहिती दिली. ‘मझा लहान अपघात झाला आहे. मी लवकरच परत येईल… मी तुम्हाला सर्वांना अपडेट देत राहिल…’ असं गायक म्हणाला. विशाल कायम सोशल मीडियावर सक्रिय असतो.