ज्याच्या कानाखाली वाजवली, धर्मेंद्रच्या मुलीने नंतर त्याच्याशीच केलं लग्न; नेमकं काय घडलं होतं?
ईशा देओल 13 वर्षांची होती, तेव्हापासून भरत तिच्यावर करायचा प्रेम; अचानक एकेदिवशी..
मुंबई: बॉलिवूडची ड्रीम गर्ल हेमा मालिनी आणि अभिनेते धर्मेंद्र यांची मुलगी ईशा देओलचं फिल्मी करिअर आई-वडिलांइतकं यशस्वी होऊ शकलं नाही. ईशाने तिच्या करिअरमध्ये बऱ्याच चित्रपटांमध्ये भूमिका साकारल्या आहेत. मात्र तिला अपेक्षित प्रसिद्धी किंवा लोकप्रियता मिळू शकली नाही. ईशा देओलने 2002 मध्ये ‘कोई मेरे दिल से पुछे’ या चित्रपटातून बॉलिवूडमध्ये पदार्पण केलं. नुकतीच ती ‘रुद्र: द एज ऑफ डार्कनेस’ या वेब सीरिजमध्ये अजय देवगणसोबत झळकली.
2002 ते 2012 या दहा वर्षांत ईशाने अनेक चित्रपटांमध्ये काम केलं. यापैकी ‘धूम’ आणि ‘नो एण्ट्री’ यांसारखे चित्रपट बॉक्स ऑफिसवर यशस्वी झाले. मात्र ईशाचे बरेचसे चित्रपट फ्लॉप ठरले. याचदरम्यान 2012 मध्ये तिने व्यावसायिक भरत तख्तानीशी लग्न केलं. या दोघांनी 29 जून 2012 रोजी लग्नगाठ बांधली. मात्र या लग्नाच्या बऱ्याच वर्षांपूर्वी एक किस्सा घडला होता, जो फार क्वचित लोकांना माहीत आहे.
नेमकं काय घडलं होतं?
मीडिया रिपोर्ट्सनुसार जेव्हा ईशा देओल 13 वर्षांची होती, तेव्हापासून भरत तिच्यावर प्रेम करायचा. हे दोघं शाळेत असल्यापासून एकमेकांना ओळखतात. दोघांची शाळा वेगवेगळी असल्याने फार कमी वेळा त्यांची एकमेकांशी भेट व्हायची. एकदा शाळेतल्या स्पर्धेदरम्यान भरतने अचानक ईशाचा हात धरला होता. यावरून रागावलेल्या ईशाने थेट त्याच्या कानाखालीच वाजवली होती. या घटनेच्या बऱ्याच कालावधीनंतर हळूहळू दोघांमध्ये मैत्री झाली.
ईशा देओल ही धर्मेंद्र आणि हेमा मालिनी यांची मुलगी आहे. धर्मेंद्र यांनी दोनदा लग्न केलं. प्रकाश कौर यांच्याशी त्यांनी पहिलं लग्न केलं होतं. प्रकाश आणि धर्मेंद्र यांना सनी आणि बॉबी देओल ही दोन मुलं आणि विजिता, अजिता या दोन मुली आहेत. तर हेमा मालिनी आणि धर्मेंद्र यांना ईशा आणि अहाना या दोन मुली आहेत.
