नागपूरमध्ये लॉकडाऊनची कठोर अंमलबजावणी, तुकाराम मुंढे स्वतः रस्त्यावर

शहराला कोरोनापासून वाचवण्यासाठी नागपूरात लॉकडाऊन करण्यात आला (Tukaram Mundhe on Nagpur Lock Down). यानंतर त्याच्या अंमलबजावणीसाठी नागपूर महानगरपालिका आयुक्त तुकाराम मुंढे यांनीही चांगलीच कंबर कसली.

नागपूरमध्ये लॉकडाऊनची कठोर अंमलबजावणी, तुकाराम मुंढे स्वतः रस्त्यावर

नागपूर : शहराला कोरोनापासून वाचवण्यासाठी नागपूरात लॉकडाऊन करण्यात आला (Tukaram Mundhe on Nagpur Lock Down). यानंतर त्याच्या अंमलबजावणीसाठी नागपूर महानगरपालिका आयुक्त तुकाराम मुंढे यांनीही चांगलीच कंबर कसली. त्यामुळे लॉकडाऊनची चोख अंमलबजावणी झाल्याचं नागपूर शहरात पाहायला मिळालं.

लॉकडाऊनच्या घोषणेमुळे नागपूरमध्ये सकाळपासूनच दुकानं बंद असल्याचं पाहायला मिळालं. मात्र काही नागरिक रस्त्यावर दिसत होते. त्यात काही कामानिमित्त निघालेले, तर काही सुट्टी आहे म्हणून बाहेर पडल्याचं पाहायला मिळालं. सीताबर्डीची बाजारपेठही सकाळी पूर्णतः बंद होती.

महाल, इतवारी धरमपेठ मधील जीवनावश्यक वस्तूंची दुकानं सोडता इतर दुकानं बंद होती. सकाळी 10 वाजताच्या सुमारास  महानगर पालिका आयुक्त  तुकाराम मुंढे यांनी लॉकडाऊन आणि बंदच्या स्थितीची पाहणी करत रस्त्यावरुन पाहणी केली. त्यांनी बर्डी मार्केटमध्ये सुरु असलेली काही दुकानंही बंद केली. त्यानंतर रस्त्यावर असलेल्या नागरिकांना घरी जाण्याचा आवाहन केलं. यानंतर त्यांचा मोर्चा महालमधील बाजारात पोहचला. तेथे पूर्ण बंद पाहायला मिळाला. मात्र काही नागरिक रस्त्यावर दिसली. त्यांनाही मुंढे यांनी रस्त्यावर उतरुन घरी जाण्याच्या सुचना दिल्या.

मोमीनपूर भाग मुस्लिम बहुल भाग आहे. येथील बाजार नेहमी सुरु असतो. मात्र, आज सगळी दुकानं बंद पाहायला मिळाली. मात्र दुःखाची बाब म्हणजे नागरिक याही ठिकाणी मोठ्या प्रमाणात रस्त्यावर होती. नागरिकांसाठी सगळे निर्णय घेतले जात असले तरी जनता प्रतिसाद देत नाही यावर  मुंडे यांनी नाराजी व्यक्त केली. त्यांनी नागरिकांना घरातच बसण्याची विनंती केली. यानंतर आयुक्तांनी पत्रकार परिषद घेत नागपूरच्या जनतेला आपलं हित म्हणून घराबाहेर पडू नका, नाही तर तुम्हाला जबरदस्तीने घरात ठेवावं लागेल असा इशारा दिला.

जनतेने नियमांचं पालन करावं यासाठी पोलीस मोठ्या प्रमाणात रस्त्यावर उतरले आहेत. सकाळपासून पोलीस गल्लीगल्लीत जाऊन जनतेला घराबाहेर न पडण्याचं आवाहन करत होते. नागरिकांना घरी पाठवण्यासाठी पोलिसांनी ठिकठिकाणी नाकेबंदीही केली. कशाप्रकारे पोलिसांनी आपली भूमिका बजावली याचा आढावा पोलीस आयुक्तांनी घेतला.

Tukaram Mundhe on Nagpur Lock Down

कमेंट करा

कमेंट करा

Your email address will not be published. Required fields are marked *