वारंवार बद्धकोष्ठता होत असेल तर औषधांऐवजी ‘या’ 3 फळांचे करा सेवन, त्वरित मिळेल आराम

चुकीच्या जगण्याच्या शैलीमुळे बद्धकोष्ठतेची समस्या वाढतच आहे. बद्धकोष्ठता हा एक छोटासा शब्द वाटेल. पण ज्यांना दररोज या समस्येचा सामना करावा लागतो त्यांनाच समजू शकते की ही समस्या किती मोठी आहे. त्यातच बद्धकोष्ठतेची अनेक कारणे असू शकतात. खरं तर बद्धकोष्ठता तेव्हा होते जेव्हा तुमच्या आतड्यांची हालचाल कमी होते किंवा आतडे नियमितपणे काम करत नाही आणि शौचास त्रास होतो . फायबरची कमतरता आणि पाण्याची कमतरता खाण्याच्या चुकीच्या पद्धती, अवेळी झोपणं ही याची मुख्य कारणे आहेत. तोव काही औषधे देखील बद्धकोष्ठतेला कारणीभूत ठरू शकतात. दीर्घकाळ बद्धकोष्ठतेमुळे गॅस, जडपणा, अपचन आणि शरीरातील विषारी पदार्थांचे संचय होऊ शकते. जर तुम्हीही या समस्येपासून मुक्त होण्यासाठी स्वस्त आणि सोपा घरगूती उपाय आहेत जे ही समस्या छुमंतर करून टाकतील. बद्धकोष्ठतेच्या वाढत्या समस्येवर मात करण्यासाठी तुम्ही या तीन फळांचा आहारात समावेश करा. कोणताही विलंब न करता कोणती फळं खाणे फायद्याचे ठरेल ते आजच्या लेखात जाणून घेऊयात.

बद्धकोष्ठता दूर करण्यासाठी कोणती फळे खावीत?

1. किवी-

किवीमधील नैसर्गिक एंजाइम आणि फायबर आतड्यांच्या हालचालींना उत्तेजन देतात. दररोज एक ते दोन किवी खाल्ल्याने आतड्यांमधील सूज कमी होते, ज्यामुळे ते दीर्घकालीन बद्धकोष्ठतेसाठी एक सुरक्षित उपाय ठरते. किवी हे व्हिटॅमिन सीचा चांगला स्रोत मानले जाते, जे रोगप्रतिकारक शक्ती वाढविण्यास मदत करते आणि शरीराला असंख्य फायदे देते.

2. मनुके

सुकलेल्या मनुकांमध्ये फायबर आणि सॉर्बिटॉल असे घटक असते, जे मल मऊ करते. त्यात फायबर, सॉर्बिटॉल आणि फेनोलिक संयुगे असतात, जे बद्धकोष्ठतेपासून मुक्त होण्यास मदत करतात. दररोज 3 ते 4 भिजवलेले मनुके खाल्ल्याने बद्धकोष्ठता दूर होण्यास मदत होते.

3. नासपती( पेर)

नासपतीमध्ये फायबर विशेषतः पेक्टिन, पाणी आणि सॉर्बिटॉल भरपूर प्रमाणात असते, जे मल मऊ करते आणि आतडे स्वच्छ करण्यास मदत करते. नाश्त्यानंतर नासपती हे फळ खाल्ल्याने बद्धकोष्ठता दूर होण्यास मदत होते. शिवाय, त्याचे सेवन केल्याने वजन नियंत्रित राहण्यास देखील मदत होते.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)