Health | आल्याच्या दूधाचा दररोजच्या आहारात समावेश करा आणि आरोग्याच्या अनेक समस्या दूर करा!

मुंबई : आले आणि दूध (Milk) हे दोन्ही घटक आपल्या आरोग्यासाठी अत्यंत फायदेशीर आहेत. हे आपल्या शरीराला निरोगी ठेवण्यास मदत करतात. आयुर्वेदात त्याचे विशेष महत्त्व सांगितले आहे. आले आणि दुधाचे एकत्र सेवन करून पावसाळ्यात आरोग्याच्या (Health) अनेक समस्या आपण नक्कीच दूर ठेऊ शकतो. इतकेच नाही तर हे आपल्या त्वचेसाठी देखील फायदेशीर ठरते. सध्या पावसाळ्याच्या हंगाम सुरू आहे. या हंगामात आरोग्याच्या अनेक समस्या निर्माण होण्यास सुरूवात होते. यामुळेच पावसाळ्यात आरोग्याची विशेष काळजी घेणे महत्वाचे आहे. दरवेळी बाहेरील आैषध घेऊन बरेच राहण्यापेक्षा आपण घरगुती उपाय (Home remedies) करून निरोगी राहणे अधिक फायदेशीर ठरते.

शरीरातील रोगप्रतिकारक शक्ती वाढण्यास होते मदत

आल्यामध्ये अनेक गुणधर्म असतात, जे आपल्या शरीराला निरोगी ठेवण्यास मदत करतात. आयुर्वेदात त्याचे विशेष महत्त्व सांगितले आहे. आले आणि दूध एकत्र आहारात घेतल्याने पावसाळ्यात अनेक समस्या आपल्यापासून दूर राहतात. कोरोनाच्या काळात लोक औषधी वनस्पती म्हणून आल्यासारख्या गोष्टी वापरत होते. आल्याच्या दुधाचे सेवन केल्याने आपल्या शरीरातील रोगप्रतिकारक शक्ती वाढण्यास मदत होते. यासाठी आपण दररोज आल्याच्या दुधाचे सेवन करायला हवे.

आल्याचे बॅक्टेरियाविरोधी गुणधर्म पचनसंस्था निरोगी ठेवते

आल्याचे बॅक्टेरियाविरोधी गुणधर्म पचनसंस्था सुधारण्यासाठी काम करतात. रात्री झोपण्यापूर्वी दुधात आले टाकून त्याचे सेवन केल्यास सकाळी पोटही चांगले साफ होते. पचनक्रिया चांगली असेल तर शरीरातील सर्व समस्याही दूर होतील. पचनक्रिया चांगली राहिली तर आपल्या शरीरावर अतिरिक्त चरबी देखील निर्माण होत नाही. यासाठी वजन कमी ज्यांना करायचे आहे, अशांनी देखील आपल्या दररोजच्या आहारात आल्याच्या दुधाचा नक्कीच समावेश करा.

खोकला आणि सर्दी दूर जाण्यास होते मदत

पावसाळ्यात लोकांना खोकला किंवा सर्दी यांसारख्या आरोग्याच्या समस्या उद्भवतात. अँटिबायोटिक्स घेतल्याने तुम्ही बरे होतात, पण त्यांचा किडनीवर वाईट परिणाम होतो. त्याऐवजी, आल्याच्या दुधासारखे घरगुती उपाय वापरून पहा. आल्याच्या दुधामुळे सर्दी आणि खोकला कमी होण्यास मदत होते. आल्याचे दूध घरी तयार करण्यासाठी आपण एक चमचा आल्याची पेस्ट घ्या. त्यानंतर एक ग्लास दूध गरम करा दूध गरम करतानाच त्यामध्ये आल्याची पेस्ट घाला. या खास दुधामुळे आरोग्याच्या अनेक समस्या दूर होण्यास नक्कीच मदत होईल.