Corona Cases In India | देशात नव्या कोरोनाग्रस्तांचा आकडा 15 हजारांच्या खाली, सक्रिय रुग्णसंख्याही दोन लाखांच्या आत

गेल्या 24 तासात भारतात 14 हजार 146 नव्या कोरोनाबाधित रुग्णांची नोंद झाली आहे. तर 144 कोरोनाग्रस्त रुग्णांना प्राण गमवावे लागले. कालच्या दिवसात देशात 19 हजार 788 जण कोरोनामुक्त होऊन घरी परतले.

Corona Cases In India | देशात नव्या कोरोनाग्रस्तांचा आकडा 15 हजारांच्या खाली, सक्रिय रुग्णसंख्याही दोन लाखांच्या आत
संग्रहित छायाचित्र.

नवी दिल्ली : देशात कोरोनाग्रस्तांच्या रुग्णसंख्येत (Corona Cases In India) चढउतार पाहायला मिळत आहेत. गेले काही दिवस नव्या कोरोनाग्रस्तांच्या संख्येत वाढ होताना दिसत होती, मात्र आता पुन्हा एकदा रुग्णसंख्या घटताना दिसत आहे. गेल्या 24 तासात आदल्या दिवसाच्या तुलनेत नव्या कोरोना बाधितांच्या संख्येत घट झाली. कालच्या दिवसात देशात 14 हजार 146 नवीन कोरोनाबाधित रुग्णांची नोंद झाली. तर 144 कोरोनाग्रस्तांना प्राण गमवावे लागले. कोरोनातून बरे होणाऱ्या रुग्णांची संख्या वाढत असल्याने त्यातल्या त्यात दिलासा मानला जात आहे. देशातील सक्रिया कोरोनाग्रस्त रुग्णसंख्या आता दोन लाखांच्या आत आहे.

24 तासातील आकडेवारी

गेल्या 24 तासात भारतात 14 हजार 146 नव्या कोरोनाबाधित रुग्णांची नोंद झाली आहे. तर 144 कोरोनाग्रस्त रुग्णांना प्राण गमवावे लागले. कालच्या दिवसात देशात 19 हजार 788 जण कोरोनामुक्त होऊन घरी परतले.

आतापर्यंतची आकडेवारी

भारतातील एकूण कोरोनाग्रस्तांचा आकडा आता 3 कोटी 40 लाख 67 हजार 719 वर गेला आहे. देशात आतापर्यंत 3 कोटी 34 लाख 19 हजार 749 रुग्ण बरे झाले आहेत. तर 4 लाख 52 हजार 124 रुग्णांनी आतापर्यंत कोरोनामुळे प्राण गमावले आहेत. 1 लाख 95 हजार 846 इतके सध्याच्या घडीला सक्रिय कोरोनाग्रस्त रुग्ण आहेत.

आतापर्यंत कोरोना लसीकरण झालेल्या देशातील नागरिकांची संख्या 97 कोटी 65 लाख 89 हजार 540 इतकी असल्याची माहिती केंद्रीय आरोग्य मंत्रालयाने दिली आहे.

देशातील कोरोना रुग्ण आकडेवारी

देशात 24 तासात नवे रुग्ण – 14,146

देशात 24 तासात डिस्चार्ज – 19,788

देशात 24 तासात मृत्यू – 144

एकूण रूग्ण – 3,40,67,719

एकूण अॅक्टिव्ह रुग्ण – 1,95,846

एकूण डिस्चार्ज (रिकव्हरी) -3,34,19,749

एकूण मृत्यू  – 4,52,124

आतापर्यंत लसीकरण झालेली संख्या – 97,65,89,540

गेल्या 24 तासातील लसीकरण – 41,20,772

Click on your DTH Provider to Add TV9 MARATHI