63व्या वर्षीही नीता अंबानी इतक्या फिट कशा? त्यांच्या फिटनेसचं रहस्य आहेत ‘या’ सवयी

Nita Ambani Fitness Routine: वयाच्या ६३व्या वर्षीही नीता अंबानी यांचा फिटनेस आणि उत्साह अनेकांना प्रेरणा देणारा आहे. शरीर तंदुरुस्त आणि निरोगी ठेवण्यासाठी त्या आपल्या डेली रूटीनमध्ये काही खास सवयींचे पालन करतात. जाणून घेऊया, त्यांच्या फिटनेस रुटीनमागचे रहस्य काय आहे.

63व्या वर्षीही नीता अंबानी इतक्या फिट कशा? त्यांच्या फिटनेसचं रहस्य आहेत ‘या’ सवयी
63व्या वर्षीही नीता अंबानी इतक्या फिट कशा? त्यांच्या फिटनेसचं रहस्य आहेत ‘या’ सवयी
| Edited By: | Updated on: Nov 19, 2026 | 11:34 AM

वाढत्या वयातही फिटनेस आणि सौंदर्य टिकवून ठेवण्यासाठी केवळ महागड्या प्रोडक्ट्सचा वापर किंवा कठीण डाएट करणे गरजेचे नसते, तर रोजच्या जीवनातील छोट्या सवयीही महत्त्वाची भूमिका बजावतात. याचे उत्तम उदाहरण म्हणजे प्रसिद्ध उद्योगपती नीता अंबानी. वयाच्या ६३व्या वर्षीही त्यांचा उत्साह आणि फिटनेस अनेकांचे लक्ष वेधून घेतो. व्यस्त दिनक्रमातूनही त्या व्यायाम, योगासने आणि संतुलित आहारासाठी वेळ काढतात. विशेष म्हणजे, फिट राहण्यासाठी त्या आपल्या दैनंदिन जीवनात काही नियम आवर्जून पाळतात. जाणून घेऊया, नीता अंबानी यांच्या फिटनेस रुटीनमधील कोणत्या सवयी त्यांना तंदुरुस्त ठेवण्यास मदत करतात.

५ ते ६ दिवस वर्कआउट

Loading...

नीता अंबानी आठवड्यातून साधारण ५ ते ६ दिवस व्यायाम करतात. प्रत्येक दिवशी शरीराच्या वेगवेगळ्या भागांवर लक्ष केंद्रित करून त्या वर्कआउट करतात. व्यायामासोबतच त्या नियमित योगासनेही करतात. यामुळे शरीर सक्रिय राहण्यासोबतच मन शांत ठेवण्यास मदत होते. त्या दररोज सकाळी मेडिटेशनही करतात.

स्विमिंग, डान्स आणि अ‍ॅक्वा एक्सरसाइज

फिट राहण्यासाठी नीता अंबानी केवळ जिम किंवा वर्कआउटवर अवलंबून राहत नाहीत. त्यांच्या फिटनेस रुटीनमध्ये स्विमिंग आणि अ‍ॅक्वा एक्सरसाइजचाही समावेश आहे. त्यांना डान्स करायलाही आवडते. प्रवासामुळे किंवा इतर कारणांमुळे नेहमीचा व्यायाम करणे शक्य न झाल्यास त्या दररोज ५ हजार ते ७ हजार पावले चालतात. त्यामुळे व्यायामाचे सातत्य टिकून राहते.

संतुलित आणि शाकाहारी आहार

नीता अंबानी आपल्या आहारात साधेपणा आणि संतुलन राखण्यावर भर देतात. त्यांच्या आहारात फायबर आणि प्रोटीनचे योग्य प्रमाण असते. तसेच, किती प्रमाणात अन्न खायचे याकडेही त्या लक्ष देतात. नाश्त्यामध्ये त्या अंडी, ड्राय फ्रूट्स आणि बीटरूटचा ज्यूस घेतात. दुपारच्या जेवणात हिरव्या पालेभाज्या, उकडलेल्या भाज्या आणि व्हेजिटेबल सूपचा समावेश असतो. रात्री त्या गुजराती पद्धतीचे जेवण करतात.

साखर आणि जंक फूडपासून दूर

नीता अंबानी आपल्या आहारातून साखर आणि जंक फूड शक्यतो पूर्णपणे टाळतात. त्या पौष्टिक पदार्थ खाण्यासोबतच भरपूर पाणी पिण्यावरही भर देतात. फिटनेस टिकवून ठेवण्यासाठी केवळ चांगल्या गोष्टी खाणे पुरेसे नसून काही चुकीच्या खाण्याच्या सवयी सोडणेही गरजेचे आहे, असे त्यांचे मत आहे.

चालण्यावरही देतात भर

नीता अंबानी यांचा फिटनेस मंत्र साधा आहे. नियमित जिम किंवा योगासने करण्यासाठी वेळ मिळत नसेल, तर चालण्यापासून सुरुवात करावी, असे त्या सांगतात. चालण्यासाठी रोज एक ठरावीक वेळ निश्चित करणे महत्त्वाचे आहे. चालण्यामुळे शरीर सक्रिय राहण्यास मदत होते.

Loading...
Unable to load recommendations.
Follow Us