IVF तंत्रज्ञानानं जन्मलेल्या मुलांना हृदयासंबंधित आजारांचा जास्त धोका, पहा रिपोर्ट काय सांगतो?

आजच्या धकाधकीचे जीवन अनहेल्दी फूड आणि अनहेल्दी लाईफस्टाईल आणि उशिरा केलेले लग्न त्यासोबतच उशिरा मुलं जन्माला घालण्याचा प्लॅन यामुळे वंधत्वाच्या समस्येत लक्षणीय वाढ झालीये. आज सहा पैकी एका दाम्पत्याला वंधत्वाच्या समस्येला सामोरे जावे लागत हेच कारण आहे की लोक मुलं जन्माला घालण्यासाठी आय वी एफचा पर्याय निवडत आहे. सामान्य भाषेत याला आपण टेस्ट ट्यूब बेबी असं म्हणतो.

सध्याच्या काळात लोकांमध्ये आयवीएफ एक सामान्य गोष्ट बनली आहे. आधी करिअर त्याच्यानंतर लग्न उशिरा करणं त्यासोबतच मूल जन्माला उशिरा घालण्याचे प्लॅनिंग आणि त्यासोबतच अनेक शारीरिक समस्या या सगळ्या गोष्टींमुळे लोकं आय वी एफ ला पसंती देत आहे. पण आत्ता काही दिवसांपूर्वी एका अभ्यासात असं लक्षात आलं आहे की आयवीएफने जन्मलेल्या मुलांना हृदयाशी संबंधित आजारांचा जास्त धोका असतो.

काय आहे आय वी एफ

आयवीएफ म्हणजे इन विट्रो फर्टीलायझेशन हे असिस्ट रिप्रोडक्टिव्ह टेक्नॉलॉजीच्या अधिक व्यापकपणे ज्ञात प्रकारांपैकी एक आहे आय वी एफ शुक्राणूंना अंड्याचे फलित होण्यास मदत करण्यासाठी औषधे आणि शस्त्रक्रियेच्या प्रक्रियेचे संयोजन वापरून कार्य करते आणि गर्भाशयात फलित अंड्याचे रोपण करण्यास मदत करते.

काय सांगतो अभ्यास

या अभ्यासात असे लक्षात आले आहे की आय वी एफ ने जन्मलेल्या मुलांमध्ये नैसर्गिक पद्धतीने जन्मलेल्या मुलांपेक्षा हृदयास संबंधित आजार होण्याचा धोका 36% जास्त असतो. या अभ्यासात तीन दशकांमध्ये चार पेक्षा जास्त देशात ज्यामध्ये डेन्मार्क, फिनलँड, नॉर्वे आणि स्वीडनच्या 7.7 मिलियन पेक्षा जास्त लोकांचा डेटा समाविष्ट आहे या अभ्यासानुसार जन्मलेल्या मुलांना गर्भात किंवा जन्माला आल्यानंतर एका वर्षात गंभीर हृदयासंबंधी आजार झाल्याचे दिसून आले. त्या तुलनेत नैसर्गिक पद्धतीने जन्मलेल्या मुलांमध्ये हा धोका कमी प्रमाणात दिसून आलाय.