किडनी स्टोन ? नको रे बाबा…! अहो मग ही हेल्दी ड्रिंक्स प्या ना…

नवी दिल्ली : किडनी (kidney) हा आपल्या शरीराच्या महत्त्वाच्या अवयवांपैकी एक आहे. किडनी शरीरातील घाण बाहेर काढते. अशा परिस्थितीत त्याची काळजी घेणे अत्यंत आवश्यक आहे. किडनी निरोगी ठेवण्याकडे अनेक लोक दुर्लक्ष करतात. पण हे नंतरच्या काळात घातक ठरते. किडनीमध्ये घाण साचल्यामुळे किडनी स्टोन (Kidney Stone) होण्याचा धोका असतो. अस्वास्थ्यकर आहार आणि खराब जीवनशैलीमुळे (bad lifestyle) अनेकांना किडनी स्टोन होतात. ही समस्या खूप वेदनादायक असते.

अशा परिस्थितीत तुम्ही काही आरोग्यदायी पेयांचा आहारात समावेश करू शकता. त्यामुळे केवळ वेदना कमी होण्यास मदत होत नाही, तर त्यामुळे स्टोनही सहजपणे निघून जातात. त्यासाठी आहारात नियमितपणे कोणती हेल्दी पेय प्यावीत, ते जाणून घेऊया.

पुरेशा प्रमाणात पाणी प्यावे

बरेच लोक कमी पाणी पितात. पण डिहायड्रेशनमुळे किडनी स्टोनचा धोकाही लक्षणीय वाढतो. म्हणून, सर्वप्रथम, आपण पुरेसे पाणी पिणे महत्वाचे आहे. किडनी स्टोनपासून आराम मिळवण्याचा हा सर्वोत्तम उपाय आहे. यामुळे तुमच्या शरीरातील टॉक्सिन बाहेर पडतात. यासोबतच स्टोनही लघवीद्वारे बाहेर पडतो.

संत्र्याचा ज्यूस

संत्र हे अतिशय आरोग्यदायी आणि चविष्ट फळ आहे. यामध्ये व्हिटॅमिन सी भरपूर प्रमाणात असते. त्यात सायट्रिक ॲसिड असते. तुम्ही नियमितपणे संत्र्याचा रस पिऊ शकता. हे किडनीमध्ये दगड तयार होण्यापासून रोखण्याचे काम करते.

कलिंगडाचा ज्यूस

कलिंगडामध्ये 90 टक्के पाणी असते. हे शरीराला हायड्रेट ठेवण्यास मदत करते. उन्हाळ्यात हे फळ आवडीने खाल्ले जाते. ते खूप हेल्दी आणि चवदार असते. हे किडनीतील घाण साफ करण्याचे काम करते. हे किडनीमध्ये दगड तयार होण्यापासून रोखण्याचे काम करते. हा हेल्दी ज्यूस तुम्ही नाश्त्यातही घेऊ शकता.

लिंबू पाणी

एक ग्लास लिंबू पाणी उन्हाळ्यात खूप आराम देते. लिंबूमध्ये सायट्रिक ॲसिड असते. हे तुम्हाला हायड्रेटेड ठेवते. हे किडनी स्टोन फोडण्याचे काम करते. यामुळे स्टोन किडनीमधून सहजपणे बाहेर जाऊ शकतो.