‘या’ लाल फुलाचे पाणी पिण्याचे फायदे तुम्हाला करतील आश्चर्यचकित
जास्वंदीचे फुलं औषधी गुणधर्मांनी समृद्ध असतात आणि त्यांचे पाणी प्यायल्याने आरोग्याला अनेक फायदे प्रदान होतात. चला तर मग आजच्या लेखात आपण जाणून घेऊयात की याचे पाणी कसे बनवायचे? आणि त्यांचे आरोग्य फायदे कोणते आहेत.
जास्वंदीचे फूल केवळ दिसायलाच सुंदर नाही तर त्यात अनेक प्रभावी औषधी गुणधर्म देखील आहेत. आयुर्वेदात ते अनेक आजारांवर उपचार करण्यासाठी वापरले जाते. अशातच तुम्हाला जर तुम्हाला शरीरकदृष्टया तंदुरस्त राहायचे असेल तर जास्वंदीच्या फुलाचे पाणी अनेक आरोग्य फायदे प्रदान करते, जसे की रोगप्रतिकारक शक्ती वाढवणे, त्वचेचा रंग सुधारणे आणि मासिक पाळीच्या समस्यांपासून मुक्तता मिळणे. चला तर मग आजच्या लेखात आपण जास्वंदीच्या फुलाचे फायदे आणि याचे पाणी कसे तयार करायचे ते जाणून घेऊयात.
रोगप्रतिकारक शक्ती मजबूत करते
जास्वंदीच्या फुलांमध्ये व्हिटॅमिन सी आणि अँटीऑक्सिडंट्स भरपूर प्रमाणात असतात, जे शरीराची रोगप्रतिकारक शक्ती वाढवतात आणि बॅक्टेरिया आणि विषाणूजन्य संसर्गाशी लढण्यास मदत करतात.
त्वचा चमकदार बनवते
जास्वंदीचे पाणी शरीरातील विषारी पदार्थ बाहेर काढण्यास मदत करते, ज्यामुळे त्वचा स्वच्छ आणि चमकदार होते. तसेच मुरुम आणि त्वचेच्या ॲलर्जी कमी करण्यास देखील मदत करते.
केसांचे आरोग्य सुधारते
जास्वंदीच्या पाण्याच्या सेवनाने केसांच्या मुळांना पोषण मिळते, ज्यामुळे केस गळणे कमी होते आणि त्यांना नैसर्गिक चमक मिळते.
रक्तातील साखर नियंत्रित करते
हे पाणी मधुमेही रुग्णांसाठी फायदेशीर ठरू शकते, कारण ते रक्तातील ग्लुकोजची पातळी संतुलित करण्यास मदत करते.
मासिक पाळीच्या अनियमिततेमध्ये फायदेशीर
महिलांमध्ये अनियमित किंवा वेदनादायक मासिक पाळी कमी करण्यास जास्वंदीचे पाणी मदत करू शकते. ते हार्मोनल संतुलन सुधारते.
वजन कमी करण्यास उपयुक्त
हे पाणी चयापचय गतिमान करते आणि फॅट बर्न करण्याची प्रक्रिया वाढवते, ज्यामुळे वजन कमी होण्यास मदत होते.
पचन सुधारते
गॅस, ॲसिडिटी आणि अपचन यासारख्या समस्या दूर करण्यासाठी जास्वंदाचे पाणी प्रभावी आहे. ते दररोज प्यायल्याने तुमचे पोट स्वच्छ राहण्यास मदत होते.
जास्वंदीच्या फुलांचे पाणी कसे बनवायचे?
2 ते 3 ताजी लाल जास्वंदीची फुले धुवून घ्या. एका पॅनमध्ये 2 कप पाणी घेऊन त्यात ही फुले टाका.
पाणी गुलाबी किंवा लाल होईपर्यंत 5 ते 7 मिनिटे उकळवा.
नंतर हे पाणी गाळून त्यात मध किंवा लिंबाचा रस मिक्स करून सेवन करा.
सकाळी रिकाम्या पोटी ते पिणे अधिक फायदेशीर आहे. जास्वंदाचे पाणी नैसर्गिक टॉनिक म्हणून काम करते आणि ते नियमितपणे प्यायल्याने शरीराला अनेक फायदे होतात.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
