US Israel Iran War : प्रचंड नुकसान होऊनही बाजी अजून पण इराणच्याच हातात, कसं ते समजून घ्या, अमेरिका-इस्रायलला आज ना उद्या..

अमेरिका-इस्रायलने इराण विरोधात युद्ध सुरु केलं, त्याची दोन मुख्यं कारणं होती. एक म्हणजे इराणचा अणवस्त्र कार्यक्रम आणि दुसरं त्यांचा बॅलेस्टिक मिसाइल प्रोग्रॅम. त्यांच्या या दोन्ही महत्वकांक्षांपासून अमेरिका-इस्रायल दोघांना धोका होता. त्यामुळे हे भय कायमचचं संपवण्यासाठी इस्रायल-अमेरिकेने इराण विरोधात युद्ध पुकारलं. या युद्धाला आता आठवडा उलटून गेलाय. इस्रायल-अमेरिकेने इराणमध्ये भयानक हल्ले केलेत. इराणने सुद्धा आखाती देश, इस्रायल आणि मिडिल ईस्टमधील अमेरिकन तळांवर प्रचंड मोठे मिसाइल हल्ले केले आहेत. या युद्धात इराणचं जास्त नुकसान झालय हे वास्तव आहे. इराणच्या आकाशावर पूर्णपणे इस्रायल-अमेरिकेचं नियंत्रण आहे. राजधानी तेहरानसह इराणमधील अनेक शहरांमध्ये मोठी पडझड झाली आहे.

आता अमेरिका आणि इस्रायल एका स्पेशल ऑपरेशनच्या विचारात आहेत. इराणने भले अणूबॉम्ब बनवला नसेल पण त्यांच्याकडे अजूनही उच्च संवर्धित यूरेनियम आहे. हे युरेनियम ताब्यात घेण्यासाठी एका खास सैन्य पर्यायावर चर्चा सुरु झालीय. भविष्यात दोन्ही देश इराणमध्ये स्पेशल फोर्सेस पाठवण्याचा विचार करु शकतात. इराण जवळ असलेलं 450 किलोग्रॅम 60% संवर्धित यूरेनियम आपल्या ताब्यात घेणं हा या मिशनचा उद्देश असेल.

म्हणूनच अमेरिका-इस्रायलला हा साठा धोकादायक वाटतो

काहीही झालं तरी इराणला अणवस्त्र बनवू देणार नाही हे अमेरिकन राष्ट्राध्यक्ष डोनाल्ड ट्रम्प यांनी स्पष्ट केलय. एक्सपर्टच म्हणणं आहे की, 60 टक्के संवर्धित युरेनियम फार कमी काळात 90 टक्क्यापर्यंत पोहोचवता येऊ शकतं. अणवस्त्र बनवण्यासाठी इतके टक्के युरेनियम हवं. म्हणूनच अमेरिका-इस्रायलला हा साठा धोकादायक वाटत आहे.

कोण करणारं ऑपरेशन?

हे मिशन सुरु झाल्यास अमेरिका आणि इस्रायली सैनिकांना थेट इराणच्या भूमीत पाय ठेवावा लागेल असं अमेरिकी मिडिया संस्था Axios ने सूत्रांच्या हवाल्याने म्हटलं आहे. त्यांना प्रचंड सुरक्षा व्यवस्था असलेल्या भूमिगत अणवस्त्र ठिकाणांपर्यंत पोहोचून तिथलं युरेनियम ताब्यात घ्यावं लागेल. हे ऑपरेशन फक्त अमेरिका करणार की इस्रायल की दोघे मिळून करणार हे अजून ठरलेलं नाही.

अमेरिकेचे परराष्ट्र मंत्री काय म्हणाले?

या मिशनमध्ये सहभागी होणाऱ्या सैनिकांना इराणी सैन्याकडून कुठलाही धोका नसेल याची खात्री पटल्यानंतरच हे पाऊल उचललं जाऊ शकतं. जमिनीवरील स्थिती अमेरिका-इस्रायलच्या नियंत्रणात असतानाच हे पाऊल उचललं जाईल. अमेरिकेचे परराष्ट्र मंत्री मार्को रुबियो यांनी अलीकडेच काँग्रेसला काही गोष्टींची कल्पना दिली. त्यावेळी ते म्हणाले की, इराणमधील संवर्धित युरेनियमच्या प्रश्नावर म्हणाले की, कोणाला तरी तिथे जाऊन ते मिळवावचं लागेल.