United Nations Army Rules: दोन देशातील युद्धात संयुक्त राष्ट्र पाठवू शकते सैन्य? UN चार्टरचा नियम काय?

United Nations Army Rules: अमेरिका आणि इस्त्रायल यांनी इराणवर हल्ला चढवला आहे. 28 फेब्रुवारी रोजी इस्त्रायलने अमेरिकेच्या मदतीने इराणवर हल्ला केला होता. मध्य-पूर्व आशियात आठवडाभरापासून एअरस्ट्राईक आणि क्षेपणास्त्र हल्ले सुरू आहेत. या वृत्तानुसार, इस्त्रायलने इराण आणि लेबनॉनवर बॉम्ब वर्षाव केला. तर इराणने पश्चिम आशिया आणि अमेरिका-इस्त्रायलच्या लष्कराच्या तळावर हल्ला चढवला. अशावेळी संयुक्त राष्ट्र संघ (UN) युद्ध थांबवण्यासाठी लष्कर पाठवू शकते? काय सांगतो नियम?

संयुक्त राष्ट्र संघ यु्द्ध थांबवू शकते?

संयुक्त राष्ट्र संघ युद्धात सैन्य पाठवू शकतो आणि युद्ध थांबवण्यासाठी लष्कराला पाचारण करू शकतो. पण याची प्रक्रिया किचकट आणि वेळखाऊ आहे. युनायटेड नेशन्सच्या चार्टरनुसार, ही प्रक्रिया विहित नियमांना धरुन करावी लागते. संयुक्त राष्ट्र संघाकडे स्वतःचे कायमस्वरूपी सैन्य नाही. संयुक्त राष्ट्रसंघाची राष्ट्रीय सुरक्षा परिषदेतंर्गत जे नियम आहेत त्यातंर्गत हे लष्कर तैनात करता येते.

कायमस्वरूपी सैन्य नाही

विविध संघटना असलेल्या संयुक्त राष्ट्र संघाकडे स्वतःचे कायमस्वरुपी सैन्य नाही. संयुक्त राष्ट्र संघ लष्करासाठी सदस्य देशांवर अवलंबून आहे. संयुक्त राष्ट्र संघाकडे शांती सेना असते. तसेच एखाद्या ठिकाणी सैन्य कारवाई करायची असेल तर सदस्य देशातील भारत, बांग्लादेश, पाकिस्तान, युरोपातील काही देश जवान, युद्ध साहित्य आणि इतर आवश्यक शस्त्रांचा पुरवठा करतात. विविध देशातील है लष्कर संयुक्त राष्ट्र संघाच्या झेंड्याखाली एकत्र लढतात. अर्थात अशी मोहिम ही एखाद्या प्रदेशातील बंडाळी आणि हुकूमशाहांविरोधात केली जाते.

सुरक्षा परिषदेची मंजुरी

कोणत्याही लढाईत संयुक्त राष्ट्राच्या सैनिकांना पाठवण्यासाठी अगोदर संयुक्त राष्ट्र संघाच्या सुरक्षा परिषदेची मंजुरी घ्यावी लागते. सुरक्षा परिषदेत एकूण 15 सदस्य देश आहेत. यामध्ये अमेरिका, रशिया, चीन, फ्रान्स आणि इंग्लंडचा समावेश आहे. लष्कर तैनातीसाठी कमीत कमी 9 सदस्य देशांनी मंजुरी देणे गरजेचे आहे. तर पाच कायम सदस्य देशांनी जर नकाराधिकाराचा वापर केला तर मग संयुक्त राष्ट्र त्याचे लष्कर संबंधित ठिकाणी पाठवू शकत नाही.