शत्रू ही करणार नाही असे काम रशियाने केले, शेवटी हा देश आला भारताच्या मदतीला धावून, थेट गॅस…

अमेरिका आणि इराण युद्धाचा थेट फटका भारताला बसताना दिसत आहे. युद्ध टोकाला पोहोचले आहे. घातक हल्ले केले जात आहेत. अमेरिकेने विचारही केला नव्हता की, इराणकडून अशाप्रकारे हल्ल्यांना प्रतिउत्तर दिले जाईल. होर्मुज सागरी मार्गही इराणने बंद केला. ज्यामुळे जगातील अनेक देशांवर थेट गॅस आणि कच्च्या तेलाचे संकट आहे. भारतात एलपीजी गॅसचा मोठा तुटवडा निर्माण झाला. भारतात येणारा जवळपास एलपीजी गॅस होर्मुज मार्गे येतो. मात्र, तो मार्गच बंद करण्यात आल्याने भारत संकटात सापडला आहे. व्यावसायिक सिलेंडर बंद करण्यात आली. घरगुती वापराच्या सिलेंडरचाही मोठा तुटवडा निर्माण झाला. भारत या परिस्थितीमधून मार्ग काढत आहे. इराणच्या मंत्र्यांशी याबाबत एस. जयशंकर यांनी फोन वरून संवाद साधला. मात्र, सध्या अनेक व्यवसाय अडचणीत आल्याची स्थिती आहे. भारताकडून सर्व उपायोजना केल्या जात आहेत.

या काळात भारताच्या मदतीला एक देश धावून आल्याचे बघायला मिळत आहे. हा देश दुसरा तिसरा कोणताही देश नसून कॅनडा आहे. भारतातील सध्याची स्थिती बघता कॅनडाने भारताला LNG पुरवठा करण्याचा प्रस्ताव दिला. कॅनडाचे प्रधानमंत्री मार्क कार्नी यांनी एक विधान करत म्हटले की, त्यांचा देश एनर्जी सुपरपावरच्या रूपात भारतातील वाढलेली ऊर्जेची मागणी पूर्ण करण्याकरिता महत्वाची भूमिका निभावू शकतो.

भारताची ऊर्जेची मागणी 2040 मध्ये दुप्पट होण्याचे संकेत आहेत. कॅनडा हा भारताचा विश्वासू भागीदारी बनू शकतो. कार्नी यांनी पंतप्रधान नरेंद्र मोदी यांच्यासोबतचा व्हिडीओ देखील शेअर केला. कार्नी यांनी म्हटले की, कॅनडा सर्वात कमी कार्बन उत्सर्जनवाला आणि विश्वासू पद्धतीने उत्पादित लिक्किफाईड नेचुरल गॅस पुरवठा करतो.

आशिया आणि युरोपमध्ये याचा वापर मोठ्या प्रमाणात केला जातो. कार्नी यांनी पुढे म्हटले की, सध्या सुरू असलेल्या युद्धामुळे गॅस पुरवठा विस्कळीत झाला आहे. सध्याच्या घडीला फक्त भारत हा एकच देश नाही तर अनेक देश गॅसच्या समस्येसोबत झुंज देत आहेत. त्यामध्येच कॅनडा हा या काळात भारताच्या मदतीला धावून आल्याचे बघायला मिळत आहे.