ट्रम्प यांच्या दौऱ्यापूर्वीच चीनचा अमेरिकेला मोठा झटका; गप बसायचं नाही तर… थेट उघड उघड धमकी, तरीही ट्रम्प जिनपिंग यांना भेटणार

अमेरिकेचे राष्ट्रपती डोनाल्ड ट्रम्प हे दोन दिवसांच्या दौऱ्यासाठी चीनला रवाना झाले आहेत. ही भेट जरी दोन नेत्यांमध्ये होणार असली तर या भेटीला मोठं महत्त्व आहे. त्यामुळे संपूर्ण जगाचं लक्ष या भेटीकडे लागलं आहे. सध्या अमेरिका आणि इराणमध्ये मोठा संघर्ष सुरू आहे. त्यामुळे संपूर्ण जग मोठ्या ऊर्जा संकटात सापडलं आहे. इराण चीनचा मित्र आहे. काही दिवसांपूर्वी अमेरिकेसोबतच्या युद्धात चीनने इराणची मदत केली असे आरोप देखील झाले होते. तसेच अमेरिकेनं सुरू केलेल्या टॅरिफ वॉरमुळे चीन आणि अमेरिकेमधील संबंध बिघडल्याचं देखील समोर आलं. या सर्व पार्श्वभूमीवर आता चीनचे राष्ट्रपती शी जिनपिंग आणि अमेरिकेचे राष्ट्राध्यक्ष डोनाल्ड ट्रम्प यांची भेट महत्त्वाची मानली जात आहे.

मात्र डोनाल्ड ट्रम्प यांच्या भेटीपूर्वीच चीनने अमेरिकेला मोठा झटका दिला आहे. चीनकडून अमेरिकेला थेट उघड उघड धमकी देण्यात आली आहे. अमेरिकेतील चीनच्या दूतावासाने या संदर्भात ट्विट केलं आहे. चार असे मुद्दे आहेत, ज्यावर अमेरिकेनं शांत बसावं तरच डोनाल्ड ट्रम्प आणि शी जिनपिंग यांची बैठक चांगली होऊ शकते, अन्यथा जर ट्रम्प यांनी ही लाईन क्रॉस करण्याचा प्रयत्न केला तर अमेरिका आणि चीनचे संबंध खराब होतील असा इशारा चीनकडून देण्यात आला आहे. तैवानचा प्रश्न, लोकशाही आणि मानवाधिकाराची गोष्ट, चीनचा आपल्या विकासाचा अधिकार आणि राजनौतिक व्यवस्था या चार प्रश्नांमध्ये अमेरिकेनं दखल देण्याचा प्रयत्न करू नये, असं या ट्विटमध्ये म्हटलं आहे. हा ट्रम्प यांच्या भेटीपूर्वी चीनचा अमेरिकेला उघड उघड इशाराच मानला जात आहे. दरम्यान यावर आता अमेरिका काय भूमिका घेणार? हे अद्याप स्पष्ट झालेलं नाहीये.

चीन अमेरिकेमध्ये तणाव

दरम्यान चीन आणि अमेरिकेमध्ये आधीच मोठा तणाव आहे. अमेरिकनं टॅरिफ वॉरमुळे चीन आणि अमेरिकेमध्ये निर्माण झालेला संघर्ष संपूर्ण जगानं पाहिला आहे. तसेच त्यानंतर अमेरिका आणि इराणमध्ये युद्ध सुरू झालं. युद्धाकाळात चीनने इराणला मदत केल्याचा आरोप देखील होत आहे. ही गोष्ट अमेरिकेला फारशी रुचणारी नाहीये, तसेच अमेरिका कायमच चीनला आपला प्रतिस्पर्धी मानत आला आहे, त्यामुळे अशा वातावरणात आता ट्रम्प आणि शी जिनपिंग यांची बैठक होणार आहे. या बैठकीकडे संपूर्ण जगाचं लक्ष लागलं आहे.