Iran US Israel War: आता तिसऱ्या महायुद्धाला सुरुवात, ट्रम्प यांच्या घोषणेने इराण हादरले
होर्मुझची सामुद्रधुनी ही जगातील सर्वात महत्वाच्या सागरी मार्गांपैकी एक आहे आणि ट्रम्प म्हणाले की प्रस्तावित मोहिमेचा उद्देश हा जलमार्ग खुला, सुरक्षित आणि मुक्त ठेवणे असणार आहे.
इराणवर इस्राईल-US ने हल्ला केल्यानंतर गेले पंधरा दिवस युद्ध पेटले आहे. या युद्धामुळे जगातील अनेक देशांवर इंधन संकट आले आहे. इराणने होर्मुज सामुद्रधुनी बंद करण्याची धमकी दिल्यानंतर इंधन आणि गॅस आणणारी अनेक जहाजे अडकली आहेत. इराण आणि अमेरिका युद्धा दरम्यान आता अमेरिकेचे राष्ट्राध्यक्ष डोनाल्ड ट्रम्प यांनी होर्मुज सामुद्रधुनी स्वतंत्र करणार असल्याचे म्हटले आहे. अमेरिकेचे राष्ट्राध्यक्ष डोनाल्ड ट्रम्प यांनी होर्मुज स्ट्रेट बंद झाल्याने ज्या देशांची जहाजे अडकली आहेत, त्यांनाच आता युद्धनौका पाठवण्याचे आवाहन केले आहे.
एका वक्तव्यात डोनाल्ड ट्रम्प यांनी दावा केला की अमेरिकेने इराणीची १०० टक्के मिलिट्री कॅपेबिलिटी समाप्त केली आहे. परंतू जगाला इशारा देताना त्यांनी सांगितले की इराण अजूनही ड्रोन, माईन्स वा कमी पल्ल्याच्या मिसाईलचा वापर करुन शिपिंगमध्ये अडथळा आणण्याचा प्रयत्न करु शकतो.
डोनाल्ड ट्रम्प यांनी चीन, फ्रान्स, जपान, साऊथ कोरिया आणि युके सारख्या देशांना या भागात सैन्य पाठवण्याचे अपिल केले आणि सांगितले की यामुळे होर्मुजला एका अशा देशापासून धोका राहणार नाही ज्याचे डोके संपूर्णपणे नष्ट केले आहे.
इराणच्या सैन्याचे मोठे नुकसान
आपल्या संदेशात ट्रम्प यांनी दावा केला की युनाएटेड स्टेट्सने आधीच इराणची १०० टक्के मिलिट्री क्षमता नष्ट केली आहे. मात्र, तरीही काही प्रमाणात इराणकडून प्रतिकार होऊ शकतो. त्यामुळे समुद्री मार्गाने प्रवास करताना जहाजांना अडचणींचा सामना करावा लागू शकतो.
इराणचे मोठे नुकसान या युद्धात झालेले असेल तरी इराण होर्मुज स्ट्रेट सोबत त्याच्या आत ड्रोन, सी माईन्स वा कमी पल्ल्याची क्षेपणास्रे या सारखी संकटे आणू शकतो. त्यामुळे डोनाल्ड यांनी सल्ला दिला की या कारवाईने या सामुद्रधुनीतून जाणाऱ्या जहाजांना असलेला धोका संपलेला नाही.
अमेरिकेने दिला इशारा
अमेरिकने सैन्य संभाव्य धोक्यांना उत्तर देताना किनारपट्टीत मिलिट्री ऑपरेशन सुरु ठेवले जाऊ शकते असे म्हटले आहे. डोनाल्ड ट्रम्प यांनी सांगितले की युनाएटेड स्टेट्स किनारी भागात हल्ला करेल.जर गरज वाटली तर या भागातील इराणी जहाजांना निशाना केले जाऊ शकते.
ट्रम्प यांनी सांगितले की आम्ही लवकरच होर्मुज स्ट्रेट उघडून सुरक्षित आणि मुक्त करु. आणि सांगितले की या स्थितीवर कोणत्या ना कोणत्या प्रकारे तोडगा काढला जाईल. ट्रम्प म्हणाले की स्ट्रेटमुळे त्रस्त देशांनी या भागात नौदलाची जहाजे पाठवून मदत हा मार्ग मोकळा करायला हवा. हा मार्ग सुरु राहिल्याने जगावरील संकट टळेल असेही त्यांनी सांगितले.
