कोलंबियात पृथ्वी हादरली, 7.4 रिश्टर स्केलच्या भूकंपाने खळबळ, राजधानीजवळ…

कोलंबियात शक्तिशाली भूकंपाचे धक्के जाणवले आहेत. रिश्टर स्केलवर या भूकंपाची प्राथमिक तीव्रता 7.4 इतकी नोंदवण्यात आली आहे. या भूकंपाचा केंद्रबिंदू 115 किलोमीटर खोलीवर होता. राजधानी बोगोटासह देशातील अनेक भागांमध्ये भूकंपाचे जोरदार धक्के जाणवले आहेत. यामुळे नागरिकांमध्ये भीतीचे वातावरण पसरले आहे. या भूकंपात नेमकी किती नुकसान झाले याबाबत माहिती समोर आलेली नाही.

कोलंबियातील भूकंपाबाबत युरोपियन-भूमध्यसागरीय भूकंप विज्ञान केंद्राने दिलेल्या माहितीनुसार, भूकंपाची प्राथमिक तीव्रता 7.4 इतकी होती आणि त्याचा केंद्रबिंदू 115 किलोमीटर खोलीवर होता. दुसरीकडे, कोलंबियाच्या भूवैज्ञानिक सेवेनुसार भूकंपाची प्राथमिक तीव्रता 6.7 इतकी नोंदवण्यात आली आहे. राजधानी बोगोटासह अनेक भागांमध्ये भूकंपाचे धक्के जाणवले आहेत.  या भूकंपानंतर लोक रस्यावर उतरल्याचे पहायला मिळाले.

115 किलोमीटर खोलीवर भूकंपाचा केंद्रबिंदू?

EMSCच्या माहितीनुसार, कोलंबियामध्ये झालेल्या भूकंपाची तीव्रता 7.4 इतकी मोजण्यात आली असून तो 115 किलोमीटर खोलीवर झाला. देशातील अनेक भागांतून भूकंपाचे धक्के जाणवल्याची माहिती समोर आली आहे. या शक्तिशाली भूकंपाचे धक्के कोलंबियाची राजधानी बोगोटामध्येही जाणवले. यामुळे नागरिकांमध्ये भीतीचे वातावरण पसरले आहे. सध्या अधिकाऱ्यांकडून कोणत्याही प्रकारच्या नुकसानीची किंवा नागरिक जखमी झाल्याची माहिती देण्यात आलेली नाही.

अनेक शहरांमध्ये भूकंपाचे जोरदार धक्के

समोर आलेल्या माहितीनुसार, मेडेलिन, बोगोटा आणि काली यांसारख्या शहरांमध्येही नागरिकांना भूकंपाचे जोरदार धक्के जाणवले. मेडेलिनमध्ये सुरक्षेच्या दृष्टीने काही इमारती रिकाम्या करण्यात आल्या आहेत. भूकंपानंतर प्रशासनाकडून सामान्यतः इमारती, रस्ते आणि इतर महत्त्वाच्या सुविधांची पाहणी केली आहे.

6.8 तीव्रतेचा भूकंप किती शक्तिशाली असतो?

6.8 तीव्रतेचा भूकंप हा अत्यंत शक्तिशाली मानला जातो. अशा भूकंपामुळे इमारती आणि इतर बांधकामांचे नुकसान होण्याची शक्यता असते. मात्र, प्रत्यक्ष नुकसान किती होईल हे भूकंपाची खोली, केंद्रबिंदूपासूनचे अंतर आणि संबंधित भागातील इमारतींची मजबुती यांसारख्या अनेक घटकांवर अवलंबून असते. सध्या कोलंबियातील अधिकारी परिस्थितीवर लक्ष ठेवून आहेत. प्रभावित भागांमध्ये झालेल्या नुकसानीची माहिती गोळा केली जात आहे.  त्यानंतर नुकसानीचा खरा आकडा समोर येण्याची शक्यता आहे.