आखाती देश इतके श्रीमंत, पण, कुवैत, कतार, बहारीनसारख्या देशात ट्रेन का नाही ?
कुवैत, कतार, बहारीन, यमन आणि ओमान असे देश आहेत जेथे लोकांना ट्रेनचा प्रवास माहिती नाही.अखेर हे देश आर्थिक संपन्न आणि ताकदवान असूनही येथे ट्रेनचे परिचालन का होत नाही.
आखाती देश तेल आणि नैसर्गिक गॅसच्या विपुलतेमुळे प्रचंड श्रीमंत आहे. कुवैत, कतार आणि बहारीन सारखे देशांत रुंद, चकाचक स्वस्त रस्ते, चमचमत्या गगनचुंबी इमारती, अल्ट्रा मॉर्डन फॅसिलिटीज, सर्वकाही संपन्नता आणि श्रीमंत वाहवत असते. एवढ्या श्रीमंत देशातील रस्त्यांवरुन आलिशान कार सुसाट धावत असतात. येथे आता फ्लाईंग टॅक्सी देखील येत आहे. मात्र, या देशात ट्रेन का दिसत नाही ? काय आहे नेमके कारण ?
ट्रेन नसण्याचे नेमके कारण काय ?
कुवैत, कतार आणि बहारीन सारख्या देशात कोणतेही राष्ट्रीय रेल्वेचे नेटवर्क वा लांबपल्ल्याच्या ट्रेन चालवल्या जात नाहीत. याचे मुख्य कारण या देशांचा छोटा भौगोलिक आकार आहे. येथे लोकसंख्या मर्यादित आहे. बहुतांशी लोक तेलावर अवलंबून आहेत, देशाचा आकार लहान असल्याने लोक कमी अंतराचा प्रवास करतात.
यासाठी येथे शानदार रस्त्यांचे जाळे तयार करण्यात आले आहे. यांच्याकडे प्रचंड धन आणि आधुनिक एक्सप्रेसवे आहेत. यासाठी व्यक्तीगत कार आणि बसेसची सेवा मुख्य परिवहनाचे साधन आहे.त्यामुळे लोक कार आणि बसने प्रवास करतात. यामुळे रेल्वे नेटवर्कची गरज फारसी पडत नाही.
लांबपल्ल्याच्या ट्रेन नसूनही या देशांत शहरी परिवहनाला सोपे बनवण्यासाठी एक शानदार मेट्रो नेटवर्क विकसित करण्यात आले आहे. उदाहरणासाठी लांबपल्ल्याच्या ट्रेन नसल्या तरी या देशांनी शहर परिवहनास सोपे बनवण्यासाठी शानदार मेट्रो नेटवर्क विकसित केलेले आहे. उदा. कतार येथे दोहा मेट्रो यशस्वीपणे सुरु आहे.
2030 पर्यंत या देशात ट्रेन धावण्याची आशा
आखाती देशात सौदी आणि युएई येथे आधीपासूनच एक रेल्वे नेटवर्क आहे. येथील लोक एका शहरातून दुसऱ्या शहरात जाण्यासाठी हायस्पीड ट्रेन आणि इंटरसिटीचा वापर करतात. आता इतर गल्फ कंट्रींना एक मेकांना जोडण्यासाठी एक नवीन रेल्वे प्रोजेक्ट सुरु करण्याची घोषणा केलेली आहे. याचे नाव GCC (गल्फ को-ऑपरेशन काऊन्सिल) रेल्वे प्रोजेक्ट आहे. याच प्रकारे कुवैत, कतार, बहारीन, सौदी अरब, संयुक्त अरब अमिराती आणि ओमान यांना परस्परांना जोडण्यासाठी २,११७ किलोमीटर लांबीचे एक विशाल गल्फ रेल्वेची योजनेवर काम सुरु आहे.
