डोनाल्ड ट्रम्प यांच्या कार्यक्रमात गोळीबार, भारताची मोठी प्रतिक्रिया, पंतप्रधान नरेंद मोदी यांनी..

राष्ट्राध्यक्ष डोनाल्ड ट्रम्प यांच्यासोबत धक्कादायक प्रकार घडला. ज्यानंतर एकच खळबळ उडाली. वॉशिंग्टन डीसी येथील हिल्टन हॉटेलमध्ये व्हाईट हाऊस कॉरस्पॉन्डंट्स डिनरचे आयोजन करण्यात आले. याला डोनाल्ड ट्रम्प यांच्या कॅबिनेटमधील जवळपास सदस्य उपस्थित होते. सर्वकाही व्यवस्थित सुरू होते. डोनाल्ड ट्रम्प उपस्थित लोकांना संबोधित करत होते. मात्र, यावेळी स्फोटाचा आवाज आला. धाडधाड गोळ्या झाडल्या जात होत्या. क्षणाचाही विचार न करता सिक्रेट सर्विस आणि सुरक्षारक्षकांनी डोनाल्ड ट्रम्प यांना घेरा घातला. उपस्थित लोक टेबलखाली लपून बसले. काही क्षणात पार्टीचे वातावरण भीतीमध्ये बदलले. यादरम्यानचे व्हिडीओही व्हायरल होत आहेत. डोनाल्ड ट्रम्प यांना सुरक्षित स्थळी हलवण्यात आले. हेच नाही तर डोनाल्ड ट्रम्प यांच्या सुरक्षेमध्ये मोठी चूक झाल्याचेही सांगितले जात आहे. हल्लेखोराला एक सुरक्षारक्षकांना रोखले असता त्याने थेट गोळीबार सुरू केल्याचे कळते.

डोनाल्ड ट्रम्प यांच्यावर थेटपणे हल्ला करण्याचा प्रयत्न करण्यात आल्याने एकच खळबळ उडाल्याचे बघायला मिळत आहे. या घटनेनंतर भारताने पहिली प्रतिक्रिया दिली आहे. भारताचे पंतप्रधान नरेंद्र मोदी यांनी म्हटले की, लोकशाहीत हिंसाचाराला स्थान नाही. या घटनेचा निःसंदिग्धपणे निषेध केला पाहिजे.

वॉशिंग्टन डिसीतील गोळीबारानंतर जगातील अनेक देशांनी याचा निषेध नोंदवला. डोनाल्ड ट्रम्प यांनीही गोळीबाराच्या घटनेनंतर सर्वजण सुरक्षित असल्याचे म्हटले. हेच नाही तर अशा घटनांची सवय असल्याचेही त्यांनी म्हटले. सिक्रेट सर्विस आणि एजन्सीमुळे आपण सुरक्षित असल्याचे डोनाल्ड ट्रम्प यांनी सांगितले. यासोबतच त्यांनी सिक्रेट सर्विस आणि एजन्सीचे धन्यवाद मानले.

खास पार्टीचे या हॉटेलमध्ये आयोजन करण्यात आले होते. विशिष्ट लोकांना आमंत्रित करण्यात आले. मात्र, अचानक गोळीबाराला सुरूवात झाली. सुरूवातीला सिक्रेट सर्विसच्या जवानांनी डोनाल्ड ट्रम्प यांना टेबल खाली लपवले आणि एक मोठे मानवी कवच निर्माण करून त्यांना सुरक्षित बाहेर काढले. मात्र, या गोळीबाराचा घटनेने एकच मोठी खळबळ उडाल्याचे बघायला मिळाले. डोनाल्ड ट्रम्प यांच्यासह सर्वजण सुरक्षित आहेत.