IND vs NZ T20 WC 2026 Final : मिसाइल, ड्रोन हल्ल्याचा धोका असूनही भारतीयांनी जीव धोक्यात टाकला पण टीम इंडियाचा…

IND vs NZ Match Watching in UAE

Image Credit source: Screengrab

सध्या मध्य पूर्वेत इराण विरुद्ध अमेरिका-इस्रायल युद्ध सुरु आहे. इराणकडून इस्रायलसह आखाती देशांवर मिसाइल, ड्रोन हल्ले सुरु आहेत. या युद्ध काळात एक वेगळा फोटो समोर आलाय. इराणकडून यूएईवर मिसाइल, ड्रोन हल्ले सुरु आहेत. अमेरिकेला साथ देणाऱ्या देशांवर इराणकडून हल्ले होत आहेत. मात्र, हा धोका असूनही यूएईमध्ये भारतीयांनी टीम इंडिया विरुद्ध न्यूझीलंड टी20 फायनल मॅचचा आनंद घेतला. यावेळी भारतीयांच्या मनात मिसाइल किंवा ड्रोन हल्ल्याची भिती अजिबात दिसली नाही. उलट न्यूझीलंड विरुद्ध फायनल मॅचचा उत्साह त्यांच्यामध्ये होता. मोठ्या संख्येने भारतीय एकत्र जमून हा सामना पाहत होते. मिडिल ईस्टमध्ये तणाव असला तरी आम्हाला संयुक्त अरब अमिरातीमध्ये सुरक्षित वाटतय असं भारतीय समुदायाच्या लोकांनी सांगितलं. मोठ्या संख्येने भारतीय एकत्र जमले व त्यांनी टीम इंडियाचं समर्थन केलं.

रविवारी दुबईत अनेक सार्वजनिक ठिकाणी, रेस्टॉरंटमध्ये आणि सामुदायिक हॉलमध्ये भारतीयांनी मोठ्या स्क्रीनवर मॅच पाहण्याचं आयोजन केलं होतं. क्रिकेट प्रेमींनी तिरंगा फडकवत टीम इंडियाच्या समर्थनाच्या घोषणा दिल्या. मॅचचा आनंद घेतला. यावेळी वातावरणात उत्साह आणि देशभक्तीचा रंग होता. मिडिल ईस्टमध्ये मोठ्या प्रमाणात तणाव आहे. हल्ले सुरु आहेत. त्या परिस्थिती अशा प्रकारचं आयोजन चर्चेचा विषय बनलं आहे. या क्षेत्रामध्ये संघर्ष असला तरी संयुक्त अरब अमीरातमध्ये परिस्थिती सामान्य आहे, असं इथे राहणाऱ्या भारतीयांनी सांगितलं. इथे आम्हाला सुरक्षित वाटतय असं त्यांचं म्हणणं आहे.

इराणी ड्रोन्सना हवेतच संपवलं

यूएई प्रशासनाने सुरक्षा व्यवस्था मजबूत ठेवली आहे. लोकांना अजिबात घाबरण्याची आवश्यकता नाही असं भारतीय समुदायाच्या प्रतिनिधींनी सांगितलं. दुबई हे आर्थिक प्रगतीचं तसच सुरक्षित, स्थिर शहर मानलं जातं. इराणचे अनेक ड्रोन्स आणि मिसाइल हल्ले यूएईने परतवून लावले आहेत. यूएईच्या संरक्षण मंत्रालयाने एक व्हिडिओ जारी करुन देशाची एअर डिफेन्स प्रणाली आणि सैन्याचे हॅलिकॉप्टर्स इराणी ड्रोन्सना हवेतच संपवत असल्याचं दिसत आहे.