इराणचेच लोक खामेनींना फासावर लटकावणार? इस्रायलच्या बड्या मंत्र्याची थेट धमकी; प्लॅनिंग काय?
इराण आणि इस्रायल यांच्यातील युद्ध चांगलंच भडकलं आहे. असे असतानाच आता इस्रायलच्या एका मंत्र्याने थेट खामेनी यांनी मोठी धमकी दिली आहे.
Iran And Israel War : इस्रायल आणि इराण यांच्यातील युद्धाने टोक गाठलंय. दोन्ही देश खुलेपणाने एकमेकांना धमकी देत आहेत. दरम्यान, सोमवारी इस्रायलचे पंतप्रधान बेंजामीन नेतान्याहू यांनी इराणचे प्रमुख नेते अयातुल्ला अली खामेनी यांच्या हत्येची धमकी दिली होती. खामेनी यांची हत्या होईल. त्यानंतरत हे युद्ध थांबेल, असं नेतान्याहू म्हणाले होते. इस्रायलने तर खामेनी यांच्या हत्येचाही प्लॅन तयार केला होता. पण अमेरिकेचे राष्ट्राध्यक्ष डोनाल्ड ट्रम्प यांच्यामुळे त्याची अंमलबजावणी झाली आहे. असे असतानाच आता इस्रायल सरकारमधीलच एका बड्या मंत्र्याने खामेनी यांना त्यांचेच लोक फासावर लटकवतील असं भाकित केलंय.
इराणला आतापर्यंतची सर्वांत मोठी धमकी
मिळालेल्या माहितीनुसार इस्रायलचे संरक्षणमंत्री इस्रायल कात्झ यांनी खामेनी यांना मोठी धमकी दिली आहे. खामेनी यांचेही हाल हुकूमशाहा सद्दाम हुसैन याच्याप्रमाणेच होतील. सद्दाम याच्याप्रमाणेच इराणचे लोकच खामेनी यांना फासावर लटकावतील, असं कत्झ यांनी म्हटलंय.
इराणला ही आतापर्यंतची सर्वात मोठी आणि थेट धमकी असल्याचं बोललं जातंय. या धमकीनंतर इस्रायल काही मोठी कारवाई किंवा हल्ला करणार का? असा प्रश्नही उपस्थित केला जातोय. अमेरिकेकडून या दोन्ही राष्ट्रांना उद्ध हा पर्याय नाही, असे सातत्याने सांगितले जात आहे.
कत्झ नेमकं काय म्हणाले?
खामेनी यांना एक तर इस्रायलच्या कारवाईला तोंड द्यावे लागले. किंवा त्यांच्याच देशाच्या नागरिकांच्या हातून खामेनी यांचा मृत्यू ङोईल. सद्दाम हुसैन याचा जसा मृत्यू मिळाला होता, अगदी तशाच पद्धतीन खामेनी यांना त्यांचेच नागरिक मारतील. अमेरिकेच्या आक्रमणानंतर इराकच्या जनतेने सद्दामला फासावर लटकावलं होतं, असं कात्झ स्पष्टपणे म्हणाले आहेत.
आता भविष्यात नेमकं काय होणार याकडे लक्ष
म्हणजेच, आम्ही खामेनी यांना संपवून टाकू किंवा त्यांना सत्तेतून खाली खेचू किंवा त्यांचेच नागरिक त्यांची हत्या करतील, असा संदेश इराणच्या संरक्षणमंत्र्यांनी दिला आहे. त्यामुळे आता आगामी काळात नेमकं काय होणार? हे पाहणं महत्त्वाचं ठरणार आहे.
