खबरदार तुम्ही जर… इराणची हादरवणारी धमकी, जग तणावात, युद्धात जर

इराण आणि अमेरिका युद्ध टोकाला पोहोचले. अमेरिकेकडून पाच दिवसांकरिता यु्द्धबंदी जाहीर करण्यात आली. यादरम्यान इजिप्त पुढे आला असून युद्धबंदी करारावर चर्चा सुरू आहे. इराणकडून प्रमुख 6 मागण्या युद्ध बंद करण्यासाठी ठेवण्यात आल्या. यादरम्यान चर्चा सुरू असल्याचे सांगितले जात आहे. मात्र, इराणकडून स्पष्ट करण्यात आले की, आमची कोणतीही थेटपणे चर्चा अमेरिकेसोबत सुरू नाही. आमच्या मागण्या जोपर्यंत पूर्ण होणार नाहीत, तोपर्यंत आम्ही हटणार नाहीत. अमेरिका आणि इस्त्रायलच्या हल्लात इराणचे सर्वाेच्च नेते ठार झाले. त्यानंतर मोजतबा खामेनेई यांच्या नावाची घोषणा इराणचे सर्वाेच्च नेते म्हणून करण्यात आली. इराण आणि अमेरिका यांच्यातील युद्धामुळे जग मोठ्या संकटात आले आणि एलपीजी गॅस आणि कच्च्या तेलाची मोठी समस्या निर्माण झाली.

इराणच्या तस्नीम न्यूज एजन्सीने नुकताच दिलेल्या रिपोर्टनुसार, इराणच्या बेटांवर हल्ले झाले तर इराणकडून थेट बाब अल मंडेब खाडी बंद केली जाईल. होर्मुज खाडीनंतर आता इराणकडून आता थेट बाब मंडेल खाडीकडे मोर्चा वळवण्यात आला. इराणकडून देण्यात आलेल्या या धमकीमुळे जगाचे टेन्शन वाढले आहे. कारण हा अत्यंत महत्वाचा समुद्रीमार्ग आहे.

इराणच्या बेटांवर इस्त्रायल आणि अमेरिकेने हल्ला केला तर आता इराण थेट हा महत्वाचा समुद्री मार्ग बंद करण्याच्या तयारीत आहे. फारस खाडीत इराणचे 30 पेक्षा अधिक बेट आहेत. आर्थिक दृष्टीने इराणसाठी ही बेटे महत्वाची आहेत. त्यावर हल्ला केला तर पुढे काही होईल, याची मोठी धमकी इराणकडून देण्यात आली. इराणच्या या धमकीने जगाची झोप उडाली.

इराण आणि अमेरिका युद्ध संपण्याचे संकेत आहेत. यादरम्यानच आता इराणकडून ही नवीन धमकी देण्यात आली. इराण आणि अमेरिका युद्ध लवकर थांबावे, अशी मागणी जगाची आहे. कारण या युद्धामुळे जगातील अनेक देश संकटात आहेत. गॅससोबतच कच्च्या तेलाचा मोठा तुटवडा निर्माण झाला. भारतासाठी इराणकडून होर्मुज खाडी सुरू करण्यात आली. भारतासोबतच 4 देशांकरिता इराणने होर्मुज खाडी खुली असल्याची घोषणा केली.